Pallati i Rinisë në Prishtinë ishte mikpritësi i një prej ngjarjeve më të mëdha të pingpongut për të rinj në Kosovë: IPKO Table Tennis Youth Challenge 2025. Ky turne prestigjioz, i organizuar nga Klubi i Pingpongut Priping në bashkëpunim me IPKO, mblodhi qindra të rinj të apasionuar pas këtij sporti nga mbarë vendi dhe rajoni.
Në garat që u zhvilluan në dy kategori moshe, U13 dhe U17, për djem dhe vajza, pjesëmarrësit treguan nivel të lartë teknik dhe shpirt garues, duke ofruar ndeshje emocionuese dhe spektakolare. Kjo garë dëshmoi edhe një herë se pingpongu po fiton gjithnjë e më shumë terren si sport i dashur dhe me të ardhme të ndritur në Kosovë.
Fituesit e kategorisë U13:
Mundesh me e lexu edhe…
Meshkuj:
- Vendi i parë: Olti Behluli – KPP Ahmet Hoxha MK (Ferizaj)
- Vendi i dytë: Rejan Krasniqi – KPP Gani Maloku (Ferizaj)
- Vendi i tretë: Imran Duraku – KVPP Prizreni
Vajza:
- Vendi i parë: Ana Kokoneshi – Elbasani (Shqipëri)
- Vendi i dytë: Sara Hoxha – KPP Ahmet Hoxha
- Vendi i tretë: Lira Hashani – KPP Ahmet Hoxha
Fituesit e kategorisë U17:
Meshkuj:
- Vendi i parë: Amant Sejdiu – KPP Ahmet Hoxha MK
- Vendi i dytë: Muhammed Mudut – KVPP Prizreni
- Vendi i tretë: Ar Konushevci – KPP Priping
Organizatorët falënderuan IPKO-n për mbështetjen e vazhdueshme dhe paralajmëruan se edicioni i ardhshëm do të sjellë edhe më shumë pjesëmarrës dhe risi. IPKO Table Tennis Youth Challenge 2025 përfundoi me sukses, duke lënë pas emocione, përvojë të vlefshme për të rinjtë dhe një standard të ri për garat sportive në vend./Katror.info
