Në mbrëmjen finale me shi (më 18.08.2024), mysafirët e shumtë, ndër ta Përparim Rama, kryetar i Prishtinës, Sibel Halimi, drejtoreshë e Kulturës në Komunën e Prishtinës, personalitete tjera, mërgimtarë dhe qytetarë u argëtuan me ansamblin folklorik nga Kaçaniku me vallet e bukura të interpretuara nga valltare e valltarë të mrekullueshëm, shkruan Kallxo.com.
Ndërsa, pas ceremonisë së ndarjes së çmimeve të festivalit mysafirët e “EtnoFest” i argëtoi aktorja- këngëtare Edona Reshitaj.
Për shkak të kushteve atmosferike shfaqja e Multimedias “Të bardhët” me regjisor Besim Ugzmajli, nuk u dha.
Derisa pritej verdikti i jurisë për çmimet e festivalit mërgimtari artisti figurativ Hysni Mehmeti – Art, në ambientet e “EtnoFest” i dhuroi ideatorit dhe drejtorit të Festivalit, Fadil Hysaj një portret.
Çmimet e edicionit të 14 të “EtnoFest”
Juria profesionale në përbërje:
Ilirijan Arifi, regjisore
Skënder Boshtrakaj, skulptor dhe
Dilaver Kryeziu, koreograf vendosi për këto çmime:
Për muzikë dhe performancë:
Valltarja më e mirë – Fiona Konxheli, gjimnaste ritmike;
Valltari më i mirë – Furkan Rrahmani, Kaçanik.
Këngëtarja më e mirë: Adelina Paloja, soprano;
Këngëtari më i mirë: Nuredin Bendaj, Vlorë;
Çmimi instrumentisti më i mirë ju nda Sihana Badivukut, violinë;
Kostumografia, grupi “Konaku i Rajcës” nga Prenjas, Shqipëri:
Etnografia më e mirë iu dha Ansambli “Zëri i Kamenicës” nga Kamenica;
Etnoansambli më i mirë: Ansambli “Deçani”, Deçan.
Në fushën e Teatrit çmimet i morën:
Aktorja më e mirë: Anisa Ismajli në shfaqjen “Jepi ngjyra jetës”.
Aktori më i mirë: Ernest Malazogu në shfaqjen “Audienca”.
Çmimi për skenografi: Burim Arifi për shfaqjen “Audienca”.
Regjia më e mirë: Bashkim Ramadani për shfaqjen “Audienca”.
Shfaqja më e mirë: drama “Audienca”.
Çmimin e karrierës, juria (efestivalit) ia dedikoi aktores Luiza Xhuvani nga Tirana.
Ndërsa, Çmimi special i “EtnoFestit” iu dha Mario Biaginit, regjisor dhe aktor nga Italia për laboratorin Grotovski dhe performancën “Etja”.
Një mbyllje spektakulare me valle të përbashkët plotë lumturi
Muzikë, teatër, ushqime tradicionale, vallëzim, biseda, njohje, dashuri, përjetim, liri, gëzim, lumturi, mirëpritje, art, takime, miqësime, laborator, skulptura, piktura dhe shumë fotografi, kujtime e dëshira, një përshpirtrim me artin, kulturën, për 9-të netë në “EtnoFest”, edicioni 14-të që fshatin Kukaj e bënë muze të trashëgimisë kulturore që ka mirëprit mysafirë të shumtë veçanërisht mërgimtarët.
Festivalin e mbylli me fjalë rasti i pari i Prishtinës, Përparim Rama, pastaj në një valle të përbashkët të të gjithë pjesëmarrësve thuaja secili preku çastin e dëshiruar të lumturisë që ishte tema bosht e edicionit të 24 – të “EtnoFestit”. /Katror.info
Përgatiti:
