Një ilaç i ri për trajtimin e kancerit të qafës së mitrës, ka treguar rezultate pozitive në provat klinike.
Në provat globale të fazës 3, medikamenti i quajtur TIVDAK (tisotumab vedotin), reduktoi deri në 30% të rrezikut të vdekjes, në krahasim me kimioterapinë.
TIVDAK demonstroi gjithashtu një ulje prej 33% në rrezikun e përkeqësimit të sëmundjes ose vdekjes.
Përveç kësaj, ilaçi intravenoz tregoi një normë të përmirësuar të përgjigjes objektive prej 17.8% krahasuar me kimioterapinë në 5.2%.
TIVDAK shfaqi një normë kontrolli të sëmundjes 75.9%, ndërsa kimioterapia tregoi një normë 58.2%.
Në një intervistë me Fox News, Dr. Brian Slomovitz, drejtor i onkologjisë gjinekologjike në Qendrën Mjekësore Mount Sinai në Miami Beach, Florida , theksoi rëndësinë e këtyre gjetjeve.
“Të kesh një avantazh të përgjithshëm mbijetese në këtë sëmundje është jashtëzakonisht, jashtëzakonisht e rrallë. Kjo ndryshon standardin e linjës së dytë të kujdesit për këtë sëmundje”, shtoi Slomovitz.
Slomovitz, i cili ka qenë i përfshirë drejtpërdrejt në provat, shpjegoi se klasa e re e barnave sulmon një proteinë të caktuar në qelizë, e cila lejon që kimioterapia të shpërndahet në qelizë “në një mënyrë të saktë”.
Ky medikament sipas mjekëve, ka shfaqur efekte anësore okulare si konjuktiviti (sy rozë), neuropati periferike (dobësi, mpirje dhe dhimbje nga dëmtimi i nervit) dhe disa gjakderdhje, por mjekët kanë thënë se këto probleme janë të menaxhueshme.
Medikamenti në fjalë, ka filluar të shfaqë ndikim edhe në kancerin e qafës së mitrës, i cili është kanceri i katërt më vdekjeprurës tek pacientët e gjinisë femrore./Katror.info