Një SUV i vogël elektrik i frymëzuar nga Mercedes-Benz G-Class do të del në treg në vitin 2026. Nëse do të vijë në jetë, do të ishte një G-Class më i vogël në formën e një SUV elektrik me një çmim dukshëm më të ulët.
Paramendoni një Mercedes-Benz “baby G-Wagen” si një G-Class i zvogëluar: fizikisht më i vogël, ndoshta më pak i aftë jashtë rrugës, por shumë më i lirë.
Dhe ka shumë të ngjarë me një makinë elektrike, ndryshe nga G-Wagen aktual me një V8. Mercedes-Benz nuk e ka aprovuar zyrtarisht ende këtë mini-G, por disa udhëheqës nga bordi i Mercedesit shohin një mundësi të madhe dhe potencial të madh me këtë model, shkruan Autoblog.
Mundesh me e lexu edhe…
Pamja e jashtme retro në formë kutie, e përjetshme e G-Class aktual do të përkthehej bukur në një përsëritje të zvogëluar që nuk do të ishte një klon i drejtpërdrejtë. I përforcuar nga reputacioni i G-Wagen me shkëlqim, por shumë më i përballueshëm, mini-G mund të jetë shumë interesant për tregun. Ndoshta do të preferohet më shumë nga blerësit e mundshëm të SUV-ve dhe pronarët ekzistues aspirantë të G Class.
Prapëseprapë, është e dyshimtë që një SUV si ky mund të kalojë rrugët si SUV-ët e fortë. Ndoshta do të ishte më konkurrues me një Jeep Compass. Kudo që të përshtatet, segmenti SUV duket se është gjithmonë i uritur për modele të reja, duke përfshirë versionet elektrike.
Ajo që pritet është që, për shkak të dimensioneve të tij më të vogla, G-Wagen i vogël duhet të ketë distancë më të ulët nga toka dhe një bazë rrote më të shkurtër se vëllai i tij më i madh. Ai supozohet të bazohet në Mercedes Modular Architecture (MMA), një platformë kompakte dhe e mesme EV, e cila sugjeron se do të ishte një BEV me aftësinë e karikimit të shpejtë 800 volt. Si i tillë, ai duhet të ofrojë një autonomi prej rreth 500 km.
Më e rëndësishmja, “baby” G Class mund të kushtojë rreth 55,000 euro, që është dukshëm më pak se G Class standard, i cili në Gjermani fillon me cmim 118,000 euro në versionin G 400 d. Nëse do të hyjë në prodhim, që nuk do të ndodhë para vitit 2026, të gjithë ata që ndjekin industrinë e makinave dhe furinë e G-Class e shohin tashmë Baby G si një sukses të madh në treg. /Katror.info
Përgatiti:
