Në kohën që po zhvillohet Botërori i futbollit, është e natyrshme që të kujtohet, edhe legjenda e futbollit, Diego Armando Maradona.
Ankandi i Bonhams Paris Sale 2023 do të shfaqë një Mercedes-Benz të kuq, një nga makinat që i përkiste yllit argjentinas të futbollit.
Siç mund ta imagjinoni, çmimi do të jetë i lartë sepse përveç metalit, plastikës dhe gomës, kjo makinë ka edhe një vlerë simbolike, shkruan revista Hak.
Mundesh me e lexu edhe…
Maradona mori këtë Mercedes-Benz klasik nga një grup fansash kur luajti për ekipin e parë profesionist, Club Atletico Boca Juniors nga Buenos Aires.
Një nga pilotët më të mëdhenj të garave, pesë herë kampioni i botës në F1, Juan Manuel Fangio, ishte ai që i dorëzoi makinën e re Maradonës. Në atë kohë, Fangio ishte pronar i të vetmes përfaqësi zyrtare të Mercedesit në Argjentinë.
Mercedes-Benz 450 SLC 5.0 i vitit 1980 ka një sërë opsionesh, duke përfshirë një çati diellore me energji, por dhe ajër të kondicionuar.
Vetura ka një motor 5.0-litërsh me fuqi 243 kuaj fuqi, i cili e prodhon shpejtësinë maksimale prej 209 km/h.
Pas largimit nga pronësia e Maradonës, makina ishte pjesë e disa koleksioneve private në Argjentinë dhe më pas u importua në SHBA. Ofrohet në gjendje të shkëlqyer me më pak se 62,000 kilometra.
Bonhams shkruan se Mercedesi që ishte në pronësi të Maradonës pritet të arrijë nga 150,000 deri në 250,000 euro në një ankand në shkurt 2023.
Përgatiti:
