Teatri Kombëtar i Operës dhe Baletit mbylli të shtunën natën e dytë dhe të fundit të “Messa da Requiem” nga Giuseppe Verdi.
TKOB në një postim në rrjetin social Facebook, shkroi se ishte një produksion që bëri bashkë artistët shqiptarë dhe të huaj.
“Një produksion historik jo vetëm sepse u vu për herë të parë në skenë për publikun shqiptar, por sepse edhe bëri bashkë artistë të Shqipërisë, Kosovës e ndërkombëtarë! Dirigjuar nga Jacopo Sipari di Pescasseroli, në krye të Orkestrës Simfonike të TKOB dhe Orkestrës Simfonike të RTSH-së, me solistë: Eva Golemi, Ivana Hoxha, Raffael Abete, Vittorio de Campo. Një punë e jashtëzakonshme nga dirigjentët e korit Dritan Lumshi e Baki Jashari, që udhëhoqën korin e TKOB dhe korin e Filharmonisë së Kosovës”, thuhet ndër të tjera.
Mundesh me e lexu edhe…
Teatri Kombëtar i Operas dhe Baletit, mbylli mbrëmë natën e dytë dhe të fundit të “MESSA DA REQUIEM” nga Giuseppe Verdi….
Posted by Teatri Kombetar i Operas, Baletit dhe Ansamblit Popullor on Sunday, October 23, 2022- Advertisement -
“Messa da Requiem” është një vepër unike për kor, solistë dhe orkestër, e cila u vu në skenë për herë të parë në vitin 1874. “Messa da Requiem” nuk është një vepër ekskluzivisht muzikore, por trajton tema të rëndësishme mbi spiritualitetin, kërkimin e besimit të humbur, frikës nga vdekja, etj., shkruan gazeta SOT.
“Requiem” shquhet për strukturën e saj unike muzikore, për fuqinë ekspresive dhe mbase gjatë kompozimit të saj, Verdi i kërkonte Krijuesit t’i dilte për Zot fëmijëve të tij, që sipas tij i krijoi me aftësinë për të dashuruar, por edhe për të vuajtur.
- Advertisement -
“Requiem” i Verdit u kompozua pas një rekuiemi të shkruar për të nderuar vdekjen e kompozitorit të madh italian Gioachino Rossini për të cilin Giuseppe Verdi shkroi vetëm lëvizjen e fundit “Libera me”.
Giuseppe Verdi (1813-1901) është kompozitori më i njohur i operës italiane, jo vetëm i shekullit të XIX. Ai mbetet si njëri ndër kompozitorët më të njohur të botës në historinë e operës./Katror.info
Përgatiti:
