Instituti Hidrometeorologjik i Kosovës ka bërë të ditur se sot pritet mot kryesisht me diell, me disa vranësira të herëpashershme. Në disa rajone mund të ketë reshje të izoluara shiu dhe ndonjë shkarkesë rrufeje gjatë ditës.
Temperaturat minimale do të variojnë nga 12 deri në 16 gradë Celsius, ndërsa ato maksimale do të lëvizin ndërmjet 26 dhe 29 gradë.
Indeksi i rrezatimit UV do të jetë në nivele të larta, prandaj rekomandohet kujdes i shtuar në periudhën prej orës 09:00 deri në 17:00, sidomos për të moshuarit, fëmijët dhe ata me probleme kronike shëndetësore./Katror.info
