Sipas parashikimit nga Mendimi për Motin, dita e premte në vend do të karakterizohet me intervale më të gjata me diell, megjithëse herë pas here do të ketë kalime të vransirave të larta. Pasditja sjell zhvillime të vransirave lokale dhe kushte për ndonjë rrebesh shiu të shoqëruar me bubullima.
Do të fryjë erë e lehtë deri mesatare nga drejtimi jugperëndimor me shpejtësi 4-12 m/s, ndërsa në pjesë të Dukagjinit dhe Drenicës priten hove mbi 15 m/s. Temperaturat maksimale do të arrijnë deri në 23-26°C, ndërsa minimalet në mëngjes zbresin në 10-12°C.
Për fundjavë parashihet përkeqësim i motit. E shtuna nis me vransira, ndërsa nga pasditja reshjet e shiut përfshijnë vendin dhe gradualisht shtrihen në gjithë territorin.
Mundesh me e lexu edhe…
Reshjet do të vazhdojnë edhe gjatë ditës së diel, ku në viset malore, për shkak të rënies së temperaturave, mund të ketë edhe reshje dëbore. Temperaturat maksimale do të zbresin në 11-13°C dhe minimalet deri në 6°C.
Edhe ditëve të para të javës së ardhshme do të mbizotërojnë vransira e reshje shiu herë pas here, mirëpo temperaturat pritet të shënojnë rritje graduale, duke arritur deri në 17-20°C. Erërat do të fryjnë kryesisht nga krahu verior, të lehta e mesatare me shpejtësi 5-11 m/s. /Katror.info
Përgatiti:
