Sipas njoftimit nga Instituti Hidrometeorologjik i Kosovës (IHMK), dita e sotme në vend pritet të karakterizohet me mot të paqëndrueshëm. Fillimisht, moti do të jetë me diell dhe me vranësira të shpërndara, por gjatë ditës ato do të shtohen.
Intensifikimi i vranësirave do të shoqërohet me ndryshime të mëdha në presionin atmosferik, çka mund të sjellë reshje lokale shiu, të shoqëruara me breshër dhe shkarkesa rrufesh në disa rajone.
Temperaturat minimale do të sillen nga 11°C deri në 16°C, ndërsa ato maksimale do të arrijnë nga 21°C deri në 24°C.
Mundesh me e lexu edhe…
Do të fryjë erë e lehtë, por në disa zona mund të shfaqen stuhira lokale me erë të fuqishme, veçanërisht nga drejtimi verilindor dhe veriperëndimor.
Qytetarëve u rekomandohet të kenë kujdes në rast të kushteve të papritura atmosferike, veçanërisht gjatë pasdites./Katror.info
