Ndërmarrja Publike Banesore (NPB), ka promovuar hyrjen e 700-të të renovuar nga kjo ndërmarrje, raporton Ekonomia Online. Kryeshefi ekzekutiv i NPB-së, Artan Berisha, tha se kanë filluar me projekte që synim kanë përmirësimin e gjendjes së ndërtesave që i kanë nën menaxhim.
Ai ka bërë të ditur se kanë nën menaxhim 80% të hyrjeve të vjetra në kryeqytet dhe se kanë edhe 100 kërkesa për renovime.
“Sot po e përurojmë hyrjen e 700-të, pra nga sot Ndërmarrja i ka nën menaxhim 700 hyrje dhe kemi bërë disa investime këtu. Aktualisht sipas statistikave, afër 80 për qind e hyrjeve të vjetra janë nën menaxhim dhe kemi edhe 100 kërkesa tjera”.
Mundesh me e lexu edhe…
“Gjithashtu është një projekt ambicioz dhe ndoshta në të ardhmen e afërt mund t’i kalojë edhe kufijtë e Prishtinës, pasi ka pasur sukses në Prishtinë edhe përreth të vazhdojë ky projekt”, u shpreh ai.
Nënkryetarja e Prishtinës, Donjeta Sahatçiu, përgëzoi NPB-në për punën e bërë, përderisa ftoi qytetarët për bashkëpunim.
“Nuk ka më mirë se me mbyll vitin me një arritje sikurse kjo. Sigurisht numri 700, një numër i madh i arritur që tregon punën e madhe që është bërë”.
“Shpresoj që të vazhdojë, e di që ka shumë kërkesa. Çka presim shumë, është një bashkëpunim edhe me qytetarë, ka shumë nevojë për bashkëpunim dhe për rritjen e shërbimeve që mund të ofrojnë brenda hyrjeve”, tha ajo.
E pronari i ndërtesës, Rexhep Hasani, falënderoi Ndërmarrjen Publike Banesore për këtë investim./Katror.info
Përgatiti:
