WhatsApp ndërpret shërbimet në këta telefona nga 1 maji
Modelet e telefonave që do të humbasin qasje në WhatsApp nga 1 maji
WhatsApp, aplikacioni më i popullarizuar i mesazheve në botë, do të ndalojë së qeni i disponueshëm në pajisjet e vjetra Android dhe iOS duke filluar nga 1 maji 2025. Aplikacioni nuk do të funksionojë në disa telefona me përditësimin e ri të Meta-s me fokus sigurinë dhe performancën.
Mundesh me e lexu edhe…
WhatsApp nuk do të jetë më i disponueshëm në pajisjet me Android 5.0 ose më të hershëm, si dhe në iPhone me iOS 12 ose më të hershëm, duke filluar nga 1 maji 2025.
Telefonat celularë që aplikacioni i njohur nuk do të mbështesë brenda pak ditësh janë:
- iPhone 5
- iPhone 5C
- iPhone 6
- Samsung Galaxy Ace Plus
- Galaxy Note 3
- Huawei Ascend P6 S
- LG Optimus G
- Motorola Moto G
Meta informon përdoruesit se këto pajisje nuk mund të mbështesin më veçori të reja dhe janë të prekshme ndaj të metave të sigurisë. Shumica e pajisjeve të prekura u lëshuan në treg në 2013 dhe 2014, dhe pas më shumë se 10 vitesh, ka ende shumë pak përdorues të tyre.
Përdoruesve u rekomandohet që të bëjnë kopje të mesazheve të tyre, pra të bëjnë kopje rezervë të të dhënave përmes Google Drive ose iCloud në mënyrë që të mos humbasin të dhënat.
WhatsApp thotë se po ndërpret shërbimet e tij në këto modele sepse sistemet e vjetra operative nuk mund të mbështesin veçoritë e reja të aplikacionit dhe protokollet e sigurisë./EuroNews/Katror.info
