Në një nga skenat më prestigjioze botërore, një fëmijë nga SOS Fshati së bashku me Orkestrën e fëmijëve të Prishtinës “Amadeus”, sollën në shtëpi Çmimin e Argjendtë në Festivalin Botëror të Orkestrave. Me instrumentet në dorë dhe zemrat plot emocione, fëmijët përfaqësuan me krenari talentin dhe punën e tyre të palodhur.
Ky sukses i jashtëzakonshëm tregon se çdo fëmijë ka potencial të pafund kur gjen mbështetjen, dëgjimin dhe besimin në ëndrrat e tij. Një fëmijë që ka kaluar sfida më të mëdha se nota më e vështirë në partiturë, arriti të prekë majat me talentin e tij dhe të gjithë së bashku të triumfonin në një arenë ndërkombëtare.
Suksesi i këtyre fëmijëve është fryt i përkushtimit të dhjetëra bizneseve dhe qindra qytetarëve që mbështesin SOS Fshatin me zemër. Falë këtij bashkëpunimi, ëndrrat e tyre jo vetëm që janë dëgjuar, por edhe realizuar. Faleminderit që jeni pjesë e këtij rrugëtimi të jashtëzakonshëm./Katror.info
