Një nga ngjarjet kryesore në vend e artit pamor ekspozues, “Autostrada Biennale” ka nisur edicionin e 10-të. Sivjet për moto ka “Rrymat që Shpalosen: Pulsi i Kohës” dhe është stacionuar si zakonshëm në Prizren.
“Nën kurimin e Erzen Shkolollit, ekspozita është e hapur nga 5 korriku deri më 5 tetor 2025 dhe zhvillohet në disa prej hapësirave më të rëndësishme kulturore e historike të qytetit: Muzeu Arkeologjik, Sahatkulla, Shtëpia e Shani Efendiut, Shtëpia e Familjes Dorambari dhe Hamami i Gazi Mehmed Pashës”, ka njoftuar MKRS.
Më tej institucioni kulturor ka çmuar faktin që kjo biennale po lidh të kaluarën me të tashmen nëpërmjet artit.
Mundesh me e lexu edhe…
“Kjo bienale sjell së bashku artistë nga vende të ndryshme dhe breza të ndryshëm, për të reflektuar mbi rrëfimet historike, politike dhe kulturore të qytetit dhe rajonit. Një nga risitë qendrore të këtij edicioni është edhe Autostrada Hangar, Qendra për Art Bashkëkohor në Parkun e Inovacionit dhe Trajnimit në Prizren, që tashmë funksionon si hapësirë e përhershme për artin, edukimin dhe dialogun kulturor”, vazhdon njoftimi./RTK/Katror.info
