Vetëqëndrueshmëria është një temë e nxehtë kur flasim për mbrojtjen e mjedisit dhe gjithnjë e më shumë vende po investojnë shumë përpjekje për të qenë më të gjelbër dhe më të vetë-qëndrueshëm.
Një prej tyre është Holanda, e cila krenohet me përpjekje të përkushtuara për të reduktuar gjurmën e saj të karbonit në aeroportin e saj Schiphol në Amsterdam. Përpjekjet ambicioze të holandezëve kanë rezultuar në një aeroport që ka ndriçim ekonomik dhe pajisje me efikasitet energjie.
Falë zgjidhjeve të avancuara mjedisore, Schiphol ka siguruar vendin e tij në listën e dhjetë aeroporteve më të qëndrueshme në botë, ku i bashkohen aeroportet në Kopenhagë, San Francisko, Cyrih, Stokholm, Brisbane, Vankuver, Seattle dhe Mynih.
Mundesh me e lexu edhe…
Schiphol është fjalë për fjalë një nga aeroportet më të gjelbër. Pjesa e aeroportit e quajtur Parku është projektuar në mënyrë që udhëtarët të pushojnë në gjelbërim dhe të gjejnë pije dhe ushqime të shëndetshme – njësoj si në një park të qytetit. Koha e pritjes së verës kalon më këndshëm në tarracën me diell, ku mund të merrni frymë në ajër të pastër dhe të relaksoheni.
E shtojnë atmosferën relaksuese edhe fotot e parqeve botërore në mure, tingujt e lojërave të fëmijëve dhe zilet e biçikletave. Aty do të gjeni edhe stola pikniku prej druri, ulëse të mbuluara me bimë, si dhe një pemë që shërben si udhërrëfyes për përmbajtjen e parkut. Telefonat celularë karikohen duke pedaluar biçikleta inteligjente dhe do të gjeni gjithashtu stacione karikimi për laptopë dhe pajisje të tjera elektronike.
Parku është një nga një seri projektesh holandeze që e bëjnë Aeroportin Schiphol një vend relaksues, së bashku me bibliotekën e parë të aeroportit dhe Rijksmuseum, një galeri që strehon kryeveprat e piktorëve holandezë të shekullit të 19-të. Biblioteka e parë e aeroportit nuk u jep hua libra pasagjerëve, por ofron një kënd të rehatshëm për lexim (kryesisht në anglisht), për të dëgjuar muzikë dhe për të parë filma. Kushdo që dëshiron mund të shkarkojë përmbajtje në pajisjet celulare. Në çdo rast, Schiphol duket se është një nga aeroportet ku pritja mes fluturimeve nuk është aq stresuese./Katror.info
Përgatiti:
