Presidentja e Republikës së Kosovës, Vjosa Osmani, është takuar në Departamentin e Shtetit me Ndihmës Sekretarin e Shtetit në detyrë, Brendan Hanrahan, ku kanë diskutuar për forcimin e marrëdhënieve ndërmjet Kosovës dhe Shteteve të Bashkuara të Amerikës, shkruan Katror.info
Në një njoftim zyrtar, Osmani ka bërë të ditur se gjatë takimit është ritheksuar angazhimi i ndërsjellë për thellimin e partneritetit strategjik mes dy vendeve.
“Kosova është e gatshme ta avancojë bashkëpunimin me SHBA-të në fusha kyçe si mbrojtja, ekonomia, si dhe investimet strategjike me interes të ndërsjellë,” deklaroi Osmani.
Mundesh me e lexu edhe…
Osmani theksoi se Kosova mbetet e përkushtuar ndaj marrëdhënieve me Shtetet e Bashkuara, duke e cilësuar këtë partneritet si një shtyllë kyçe për stabilitetin dhe zhvillimin e vendit. Ajo u shpreh se Kosova qëndron përkrah SHBA-ve “në vlera, në vizion dhe në veprim”. /Katror.info
Përgatiti:
