A je merakli/ke e pastave, por t’u kanë ba pakëz bajat recetat e rëndomta? A je n’kërkim t’ushqimeve t’lehta, plot shije, por që ta ofrojnë edhe nji farë freskie – atë ndjenj “Taze”; fresh kishin me thanë amerikanët? Qe ku na ke neve për me t’furnizu me ide e receta t’shijshme. E n’qoftë se ende ju t’u e mendu emrin e drekës a darkës, leja emrin e recetës t’sotme.
Pasta primavera asht receta që t’duhet me e pritë pranverën n’mënyrën ma t’shijshme e ma pranverore t’mundshme, meqë kjo recetë definitivisht i duhet fillim-stinës t’re dhe organizmit tonë, pas nji periudhe t’mbushun me ushqime ma t’randa. E krejt këtë super recetë mundesh me e përgatitë brenda 15 minutave n’total, t’u i ndjekë 3 hapat tanë
PËRBËRËSIT (servimi për 2):
1/2 paketim pasta (Penne)
1/2 qepë e kuqe (e prerë n’fije
4-5 kërpudha (t’prera n’rriska)
1/2 spec i kuq paprika (i prerë n’fije)
1/2 spec i verdhë paprika (i prerë n’fije)
1 kungulleshë (e prerë n’copa mesatare)
1 thelb hudhër (e grirë imët)
2 lugë gjelle vaj ullini
1/3 lugë e mesme kripë
1/2 lugë e mesme biber i zi
100 gr parmezan (i grirë)
2/3 gotë ujë pastash
40 gr gjalpë
30 gr mocarella (e ndarë n’copëza) – OPSIONALE
Pak borzilok i freskët (i grirë) – OPSIONALE
Mundesh me e lexu edhe…
HAPI 1:
N’tenxhere me ujë t’vluar me kripë ziji makaronat për 10 minuta. Kullo makaronat dhe ruje 2/3 e gotës me ujë pastash për sos.
HAPI 2:
Paralelisht me zierjen e makaronave, n’tigan t’thellë shto vajin e ullinit dhe kavërdisi perimet me erëza për 10 minuta. Pastaj shto gjalpin dhe përzije masën mirë.
HAPI 3:
Pasi t’jetë shkri gjalpi, shto parmezanin e girrë sipër perimeve, shto pastat e kulluara bashk me ujin e ndarë t’pastave dhe ziji pastat për 2 minuta, deri sa t’shterron pak uji i pastave dhe t’trashet prej parmezanit. Servo!
REZULTATI:
Servo pastat me pak borzilok t’grirë imët sipër dhe copëza mocarelle po deshe. Shijoje këtë pjatë me nji gotë verë t’bardhë e kënaqu krejt.
E nëse je n’kërkim t’recetave t’reja për pasta, n’veçanti ato me shije freskuese e pranverore, atëherë provo me i gatu edhe pastat me sos limoni dhe bizele. Ne gjithashtu ta rekomandojmë me i përgatitë pastat kremoze me domate dhe spinaq, ose shpagetat vegjetariane. Ndërkaq recetë jo tipike t’pastave dhe definitivisht ma interesante n’shije, patjetër që ja lenë me kërku supën kremoze me tortellini. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
