Ne kemi ra në përfundim që me dinamikën n’t’cilën po jetojmë, recetat e lehta dhe t’shpejta e me pak përbërës janë çelësi për me e kriju nji rutinë t’mirë e n’t’cilën arrijmë me përgatitë ma shpesh, me hangër ma mirë dhe me e kursy kohën e paret që i kishim shpenzu jasht.
Supa kremoze me tortellini asht super receta jonë e radhës t’cilën kur ta provon ke me u bindë që t’u ka dashtë n’jetë, por nuk e ke ditë. Supë e pasta kombinohen n’mënyrën ma perfekte t’mundshme, duke e ofru kështu t’mirën e dy botëve: ngrohtësisë t’gjellës dhe ngopshmërinë e pastave. E se çka, qysh e tek nevojitet për këtë pjatë plot shije, e tregojnë udhëzimet e maposhtme.
PËRBËRËSIT:
1 qepë (t’grira imët)
2 karota (t’grira imët)
2 trupa selino (t’grira imët)
4 thelpinj hudhra (t’grira imët)
2 lugë gjelle vaj ullini
4 lugë gjelle pastë domatesh
2 gota sos domatesh
1 lugë gjelle oregano
4 gota supë perimesh (1 l ujë + 2 kubëza vegjetariane)
1 paketim tortellini me djathë
1/2 gotë krem-qumësht
120 gr spinaq
1 lugë e mesme kripë
1 lugë çaji biber i zi
HAPI 1:
N’tenxhere shto vajin e ullinit, qepën, hudhrën, selinon dhe karrotat e kavërdisi për 5 minuta.
HAPI 2:
Shto pastën e domateve dhe kavërdisi perimet deri sa t’përzihet pasta me to.
HAPI 3:
Shto erëzat, sosin e domateve dhe supën e përgatitun me kubëza vegjetariane. Zije sasinë për 10 minuta dhe përzije kohë pas kohe.
HAPI 4:
Shto tortellinit dhe ziji për 3 minuta.
HAPI 5:
Shto krem-djathin dhe përzije masën mirë.
HAPI 6:
Shto spinaqin dhe zije supën për 3 minuta t’tjerë. Pra, deri sa supa t’duket kështu:
Servo supën menjiherë ose leje me u ftohë 5 minuta.
REZULTATI:
Shijoje supën si pjatë n’vehte, meqë tortellinit e mbushuna me djathë janë bajagi ngopës. E meqë jemi te recetat me pasta, mos e le pa i provu edhe pastat me tomatina t’pjekuna kurdo që ke kohë e dëshirë me provu diçka t’shijshme e t’lehtë me u përgatitë. Poashtu, provo e përgatite supën me patate e purri, ose supën me patate t’ambël – supa këto që vërtetë nuk dështojnë kur bahet fjala për shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria