Sallatat e kombinume me pasta janë trend n’rritje e ne po e shohim pse – sepse, po i bashkon 2 t’mira me 1 vend. N’daç pastë, e n’daç sallatë, lehtësisht munden me u kombinu e me e përba nji pjatë plot me shije, por edhe vlera ushqyese (mos i llogarit karbohidratet, por vitaminat). Kështu, sallata klasike e makaronave, pasta-sallata kapreze, pasta-sallata me spinaq dhe pasta-sallata greke, nuk po mbesin sygjerimet e vetme t’kategorisë (sallatë + makarona), meqë ne po ja shtojmë familjes t’pasta-sallatave edhe nji recetë vegane.
Nëse je vegan/e, ose parapëlqen receta vegane, atëherë mos e le pa e provu pasta-sallatën vegane; sallatën ma t’lehtë, ma me shije e ma t’freskët t’pastave me perime t’cilën mundesh me e përgatitë jashtëzakonisht lehtë, me pak harxh e edhe ma pak kohë. Mjafton me i nda 15 minuta për me e kriju këtë super-sallatë ngopëse.
PËRBËRËSIT:
1 paketim pasta t’ziera
2 trupa selino (t’prera n’kubëza)
2 karrota (t’prera n’kubëza)
1 spec i kuq (i prerë n’kubëza)
1 gotë bizele t’ziera
PËRBËRËSIT PËR DRESSING:
⅓ gotë kos vegan
2 lugë gjelle ujë kastravecash turrshi
2 lugë gjelle uthull vere t’kuqe
1 lugë gjelle mustardë / senf
1 lugë gjelle sirup panje (Maple syrup)
½ lugë çaji kripë
¼ lugë çaji biber i zi
Mundesh me e lexu edhe…
HAPI 1:
N’enë t’thellë shto përbërësit e dressing-ut dhe me tel për përzirje përziji deri sa t’krijohet nji masë e njitrajtshme.
HAPI 2:
Sigurohu me i kullu mirë pastat e pastaj shto t’gjithë përbërësit n’nji pjatë t’thellë dhe përziji mirë me dressing. Servo.
REZULTATI:
Servoje pasta-sallatën vegane qoftë si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 3-4 ditë mundesh me e konsumu sallatën, besa edhe me e marrë me vehte n’punë për pauzë.
E mbasi veç jemi te pastat dhe sallatat, mos e le pa i provu pastat pranverore (primavera), pastat me tomatina t’pjekuna, ose shpagetat vegjetariane t’cilat edhe mos me kanë vegjetarian kanë me t’pëlqy. Kurse, nëse je ka don sallatë t’mirë e jo t’zakontë me provu, atëherë përgatite sallatën krokante me qiqra, sallatën mediterane me patate, ose kuskusin mediteran me karkaleca – t’3 këto sallata t’mbushuna plot me shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
