Rreth 200 familje nga kategoritë sociale dhe ato të dala nga lufta kanë përfituar drejtpërdrejt nga investimi i fundit i kryeqytetit, që synon përmirësimin e kushteve të banimit dhe jetesës për familjet në nevojë.
Sipas njoftimit, ky investim është realizuar në dy lagje të kryeqytetit në Hajvali dhe zona e njohur si “Fusha e Pajtimit”.
Investimi është realizuar përmes bashkëfinancimit me Fondin për Efiçiencë të Kosovës dhe ka përfshirë ndërhyrje në ndërtesat kolektive, si: ndërrimi i dritareve, izolimi termik i objekteve, instalimi i pajisjeve për ngrohje dhe ftohje, si dhe rregullimi i kulmeve.
Mundesh me e lexu edhe…
Kryetari i kryeqytetit, Përparim Rama, tha se ky projekt nuk ka përmirësuar vetëm infrastrukturën banesore, por ka sjellë edhe përfitime konkrete në jetën e përditshme të banorëve.
“Përveç përmirësimit të kushteve të banimit, projekti ka ndikuar edhe në uljen e ndjeshme të konsumit të energjisë elektrike, duke e bërë jetesën më të qëndrueshme dhe më të përballueshme për këto familje”, u shpreh Rama.
“Ky është një shembull i qartë se si investimet në efiçiencë energjetike shkojnë përtej kursimeve – ato përkthehen në dinjitet, drejtësi sociale dhe barazi për të gjithë qytetarët”, shtoi më tej Rama./RTK./Katror.info
