Është përuruar rruga “17 Shkurti” në Godanc të Shtimes, me gjatësi rreth 2.8 kilometra, investim ky në vlerë prej 570 mijë euro. Përurimi i kësaj rruge, e cila ka qenë në kuadër të memorandumit mes Ministrisë së Infrastrukturës dhe Komunës së Shtimes, konsiderohet si shumë i rëndësishëm, pasi lidhë disa fshatra dhe redukton trafikun.
Në përurimin e kësaj rruge mori pjesë edhe Ministri i Infrastrukturës, Liburn Aliu, i cili tha se ky investim ka rëndësi për shkak se lidhë fshatrat e pjesës lindore të Malësisë, duke u krijuar mundësi të lidhen drejtpërdrejt në magjistrale pa pasur nevojë ta ngarkojnë qendrën e qytetit, shkruan KP.
Ndërkaq, kryetari i Shtimes, Qemajl Aliu tha se përurimi i këtij aksi rrugor është i rëndësishëm dhe vital për Shtimen pasi lidhë disa fshatra të anës së majtë dhe u jep mundësi atyre të dalin në fshatin Gjyrkoc, e prej aty të mund të shkojnë në Lipjan, Prishtinë, Ferizaj dhe në Aeroportin e Prishtinës./Katror.info
