Presidentja e Zvicrës, Karin Keller-Sutter, në një konferencë për media pas takimit me Presidenten e Kosovës, Vjosa Osmani, e pyetur nëse vendi saj do të ndihmojë Kosovën në përpjekjet për t’u anëtarësuar në Këshillin e Evropës, Keller-Sutter tha se ky është një vendim që i takon vetë shteteve anëtare, raporton Ekonomia Online.
Ajo theksoi se anëtarësimi në Këshillin e Evropës pavarësisht mbështetjes së Zvicrës është çështje edhe e shteteve anëtare.
Presidentja zvicerane theksoi se Zvicra ka qenë historikisht mbështetëse e Kosovës në rrugën e saj drejt organizatave ndërkombëtare dhe në forcimin e shtetit të së drejtës.
Mundesh me e lexu edhe…
Keller-Sutter nënvizoi se Zvicra mbështet aspiratat e vendeve të rajonit për t’u integruar në Bashkimin Evropian.
“Fakti që zoti Berset është zviceran luan një rol. Ne gjithashtu do të përfaqësojmë një organizatë. Por Zvicra e ka mbështetur gjithmonë Kosovën, organizatat multilaterale. Dhe gjithashtu në përgatitjet për rrugën drejt këtyre organizatave”, u shpreh ajo.
Ajo shtoi se mendon për bashkëpunimin në lidhje me demokracinë, paqen, sundimin e ligjit dhe ekonominë.
“Mendoj për bashkëpunimin në lidhje me demokracinë, paqen, sundimin e ligjit. Kjo është shumë e rëndësishme. Zhvillimi ekonomik i qëndrueshëm. Dhe sot kam theksuar gjithashtu që edhe Zvicra e mbështet që vendet e Ballkanit Perëndimor të duan të bëhen anëtare të Bashkimit Evropian. Kjo nuk është çështje jonë. Kjo është gjithmonë çështje e brendshme dhe vendim i shteteve anëtare. Këto janë vendime sovrane. Por mendoj se ky zhvillim mbështet gjithashtu stabilitetin e rajonit”, tha ajo. / Katror.info
Përgatiti:
