Prishtina ka dalë fituese në kryendeshjen e javës së dytë të Superligës së Kosovës, duke mposhtur Llapin me rezultatin 3-0, të dielën në “Fadil Vokrri”.
Bardhekaltërit treguan paraqitje solide, duke kontrolluar ndeshjen dhe duke u treguar efikasë para portës.
Rezultati u zhbllokua në minutën e 38-të nga sulmuesi Ilievski, i cili shënoi golin e parë të ndeshjes, me të cilin u mbyll edhe pjesa e parë.
Mundesh me e lexu edhe…
Në minutën e 58-të, Rin Ahmeti vulosi fitoren e Prishtinës, pasi realizoi saktë nga pika e bardhë për rezultatin 2-0, derisa goditjen e fundit llapjanëve ua dha Valmir Veliu në minutën e 90+7’ për rezultatin përfundimtar 3-0.
Me këtë fitore, Prishtina ngjitet në krye të tabelës me 6 pikë të plota pas dy javësh, ndërsa Llapi mbetet në kuotën e vetëm një pike, duke u renditur në vendin e tetë, shkruan RTK.
Një nisje perfekte për kryeqytetasit, të cilët synojnë titullin kampion këtë edicion./Katror.info
