Sot dhe nesër, në Amfiteatrin e Institutit të Historisë “Ali Hadri” në Prishtinë, mbahet një konferencë shkencore me fokus në ndikimin e diasporës shqiptare në zhvillimet kombëtare dhe historinë e Kosovës nga viti 1912 deri më 2008, raporton Katror.info.
Konferenca, që nis në orën 09:30, organizohet në bashkëpunim mes Institutit të Historisë “Ali Hadri”, Akademisë së Shkencave të Shqipërisë, Institutit të Historisë në Tiranë dhe Institutit për Trashëgimi Shpirtërore dhe Kulturore të Shqiptarëve në Shkup.
Përmes kumtesave dhe diskutimeve, do të analizohen kontributet e mërgatës shqiptare në periudha kyçe të historisë kombëtare./Katror.info
