Kryeqyteti Prishtina ka njoftuar se, për shkak të fluksit të shtuar të qytetarëve dhe pranisë së bashkatdhetarëve nga diaspora, do të zgjatet orari i punës për disa prej shërbimeve komunale, shkruan Katror.info.
Duke filluar nga data 8 korrik 2024, disa sportele komunale do të punojnë me orar të zgjatur deri në ora 17:00, nga e hëna deri të premten.
Orari i ri i zgjatur përfshin këto sportele:
Mundesh me e lexu edhe…
Komuna e Vjetër
- Qendra për Shërbime me Qytetarë
- Gjendja Civile
Komuna e Re
- Qendra për Shërbime me Qytetarë
- Gjendja Civile
Bashkësia Lokale – Lagjja e Muhaxherëve
Ky vendim është marrë për të përmbushur kërkesat e shtuar gjatë kësaj periudhe dhe për të lehtësuar qytetarët në marrjen e dokumenteve të nevojshme. Autoritetet komunale kanë bërë të ditur se masa ka karakter të përkohshëm dhe synon përmirësimin e qasjes dhe efikasitetit të shërbimeve për të gjithë qytetarët./Katror.info
