Shfrytëzimi i platformës për pagesa elektronike PayPal mbetet një sfidë për Kosovën.
Guvernatori i Bankës Qendrore, Ahmet Ismaili, ka dhënë disa detaje lidhur me mos anëtarësimin e vendit në këtë platformë.
Ai theksoi se ka ende pengesa teknike dhe ligjore që e bëjnë të vështirë për Kosovën të integrohet plotësisht në sistemet ndërkombëtare të pagesave, shkruan Kosova Press.
Mundesh me e lexu edhe…
Përveç kësaj, Ismaili ka folur për trendet ekonomike që priten në vitin 2024, duke përmendur stabilitetin e sektorit financiar dhe përfitimin e bankave komerciale.
Ai ka theksuar gjithashtu përpjekjet për integrimin e sistemit bankar në veri të vendit, si një hap i rëndësishëm për konsolidimin e sistemit financiar të Kosovës.
Një tjetër hap i rëndësishëm për Kosovën, sipas Guvernatorit të Bankës Qendrore, Ahmet Ismaili, është integrimi në zonën e pagesave të BE-së (SEPA). Ai shpreson që Kosova do të arrijë të bëhet anëtare e plotë e SEPA-së në vitin 2025, duke mundësuar kursime prej rreth 55 milionë eurosh në vit për qytetarët dhe bizneset.
Ismaili ka theksuar se nuk ka pasur progres as në platformën ApplePay. Ai e lidh këtë mungesë me çështjen e kodit shtetëror të Kosovës në databazën e Kombeve të Bashkuara, që mbetet një sfidë për avancimin e integrimit në këto sisteme.
Gjithashtu, guvernatori ka folur për situatën financiare në vend, duke nënvizon se fitimet e bankave komerciale janë rritur në vitin 2024, kryesisht për shkak të rritjes së kreditimit dhe zgjerimit të aseteve.
Guvernatori i Bankës Qendrore të Kosovës, Ahmet Ismaili, ka theksuar rëndësinë e anëtarësimit të Kosovës në zonën e pagesave të BE-së (SEPA), duke e konsideruar këtë hap si një mundësi për uljen e kostove të transaksioneve dhe për të ofruar kursime të konsiderueshme për qytetarët dhe bizneset.
Ai gjithashtu ka treguar për fokusin në rritjen e numrit të institucioneve financiare në të gjithë vendin, përfshirë veriun e Kosovës. Sipas Ismailit, numri i institucioneve financiare në veri është rritur ndjeshëm, nga 17 që ishin në shkurt të këtij viti, në 38 institucione aktualisht.
Për sa i përket remitencave, ai ka theksuar se rritja e tyre është ngadalësuar për shkak të liberalizimit të vizave, por shprehet optimist për një rimëkëmbje në vitet 2025-2026. Sipas të dhënave të BQK-së, remitencat, që janë një burim kyç për ekonominë e vendit, kanë arritur në 1.1 miliardë euro deri në tetor të vitit 2024 dhe pritet të përfundojnë vitin me një total prej 1.3 miliardë eurosh. /Katror.info
Përgatiti:
