E njohun shkurt si Barbie por me emrin gjatë Barbara Millicent Roberts, kukulla ma e njohun anë e mbanë botës asht kriju n’vitin 1959 e qysh atëherë ka pritë e ka përcjellë gjenerata t’shumta, dujke i inspiru fëmijët, e veçanarisht vashat me qenë çkado që ato dëshirojnë me kanë. Meqë, Barbie asht simbol i nji vajze/gruaje e mundet me i mrri krejt gjanat. E me filmin “Barbie” padyshim që kanë ardhë inspirime prej ma t’ndryshmeve qoftë n’veshje, qoftë n’mobilim t’banesave e shtëpive, aksesorëve, por edhe organizimit t’ahengjeve e party-ve t’ndryshme dhe me t’drejtë, sepse, Barbie asht nji ikonë sa i përket dukjes, modës e stilit dhe kombinimit t’gjanave t’bukura, plot shije dhe elegancë.
Nëse je ka planifikon me organizu nji “Barbie themed Party” qoftë për vehte, apo dikand që e ke afër zemrës, por nuk po din se çka me përgatitë a porositë, atëherë ke ra n’artikullin e duhun, meqë ne kemi ardhë me disa rekomandime dhe ide interesante t’inspirume pikërisht prej kukullës ma t’famshme n’planet; Barbie-n.
Idetë e ndryshme për ushqim, servim dhe dekorim t’pjatave festive janë element i randësishëm i cilësdo festë. Kujdesi për detaje, servim e dekorim asht hap i randësishëm dhe që e ban diferencën n’raste ma speciale. Pjatat festive nime i japin hijeshi edhe ma shumë secilës tryezë, veçanarisht kur kemi motive t’mëdhaja për me nda gëzimin me ma t’dashtunit tanë. Megjithatë, duhet me ditë që kur gostitë ma shumë mysafir ( ma shumë se 10 persona), nji tryezë ku secili mundet me u vet-shërby (byfe e hapun) kish me qenë nji zgjidhje ideale dhe praktike – sepse jo çdokush ka qejf me hangër çka i caktohet. Andaj edhe ne i kemi zgjedhë disa “Finger Food” dhe disa sygjerime pijesh ku secili mundet me e gjetë vehtën, po aq sa e kish gjetë vehtën edhe Barbie.
1. Barbie akullore
Temperaturat e nxehta definitivisht ta diktojnë edhe menynë e ushqimit, ambëlsinave dhe pijeve që mendon me i servu. E n’tanë këtë zheg, vështirë se mendohet ndonji festë a gosti pa gjana freskuese. Kësisoji, ideale për ndejën e barbikave janë akulloret e dredhëzës me djathë dhie t’cilat i përshtaten tematikës t’ahengut. Biles, janë edhe opsioni ma i shëndetshëm i desertit qoftë për fëmijët, qoftë për t’rritunit e lehtësisht përgatiten n’kushte shtëpije.
Mundesh me e lexu edhe…
2. Barbie pasta
Ka nji aryse pse Barbie e don ngjyrën rozë – sepse asht unike, tërheqëse dhe përçon energji t’mirë; asht vibrante me nji fjalë. E mbasi veç e ke sos’ me e ndjekë moton e nji ndeje t’inspirume prej kukullës ma t’famshme n’planet, atëherë nuk ke qysh mos me e përgatit’ super-pastat me rrepë t’kuqe t’cilat tamam e marrin ngjyrën e barbie-pink pastave. Mjafton me i ndjekë udhëzimet e reccetës e me pak mund e harxh me ja dal me përgatit’ këtë specialitet unik e me shije fantastike.
3. Barbie-pink meze e ambël
Mezja e ambël / plata me ambëlsina asht nji prej alternativave t’cilat mundesh lehtësisht me e përgatitë n’kushte shtëpije. Për me realizu nji pjatë t’ngjashme, përdor produkte me nuancë t’bardhe dhe t’pembe (PINK). E mira e këtyre mezeve asht që mundesh lehtësisht me gjetë ambëlsina t’ndryshme n’dyqane dhe me e përgatitë shpejtë. Kështu ti mundesh me ble politanka me shije dredhëze, keksa me limon, marshmallows t’bardha dhe pink, haribo, karamele dhe bonbone t’ndryshme me po t’njejëtën ngjyrë si dhe shtapiqa me çokollatë dredhëze. Edhe ambëlsinat si perecat me çokollatë t’bardhë, macaroons shkojnë shumë n’pjata t’tilla. Shkurt e shqip – mendo çka kish hangër Barbie e shto n’pjatë.
4. Perime n’skarë
Nuk e dijmë pse, po ne e paramendojmë Barbie-n si nji vegjetariane që me zell i përgatit’ dhe konsumon t’gjitha perimet. Andaj edhe rekomandimi për me përgatitë perime n’skarë vlenë veç për ata që kanë oborr dhe kanë mundësi me e dhezë skarën, meqë asht problem n’ballkon me e ba nji gja t’tillë., veçanarisht kur mbledhë njerëz. E nëse Barbie han perime, pse jo mysafirët?
5. Barbie’s movie snack
Barbie padiskutimisht njihet për pamjen e saj t’kurume dhe fizikun tërheqës, e ne jemi t’bindun që ‘pos sportit, punëve t’ndryshme që ajo i ban, ajo edhe kujdeset se çka han. Kështu, ushqime jo fort kalorike, por prap krokante dhe me shije janë zgjedhjet e saj t’para, sidomos kur asht fjala për mes-shujtat dhe grickat. E ndër grickat e preferume jo veç t’Barbie-t, por edhe t’shumicës t’njerëzve janë kokicat, ose ndryshe t’njohuna si “Popcorns” t’cilat as n’ndejën që po e organizon nuk ban me mungu. Biles, ata/o që po ruhen n’ushqim apo po mbajnë naj diteë kanë me t’u falenderu që n’menynë e ahengut i ke përfshi Barbie-kokicat.
6. Barbie sallatë
Pasi veç i përmendëm ushqimet e grickat e shëndetshme, jemi t’bindun që sallata me dredhëza dhe rukollë asht pjata ideale me ja bashku tryezës tande, dhe padiskutimisht i shkon edhe pjesës tjetër t’ushqimeve dhe pijeve. E përveç që duket bukur dhe interesante, edhe n’shije kjo sallatë asht super-unike e nuk don shumë punë, por suksesin me i mahnitë mysafirët e ke t’garantum’.
7. Cosmopolitan
Nji Barbie party nuk asht i kompletum nëse nuk përmbanë nji variacion pijesh t’ndryshme. E kur flasim për pije, po i mendojmë ngapak edhe koktejet – pije këto që s’ban pa i përgatitë (t’pakën disa). Zgjedh gota ekstravagante e mbushi disa prej tyre me koktellin e famshëm “Cosmopolitan” i cili i shkon shumë nji ndeje çikash dhe nuk dështon me t’i qejfleisë shoqet. Nj’ashtu edhe “Strawberry Margarita-n” mundesh me e përgatitë lehtësisht e me ua servu mysafireve po deshe.
8. Raspberry Vodka Spritz
Nuk asht ide e keqe që tavolinës suedeze me ja bashkangjitë edhe nji koktell tjetër, sidomos kur bahet fjalë për kokteje që ta jepin energjinë e nji Barbie-t n’pllazhë a n’bazen. Kësisoji. nji seri gotash ekstravagante t’mbushuna me Raspberry Vodka Spritz definitivisht ta begatojnë menynë e pijeve freskuese e alkoolike, sidomos nëse ke t’ftum’ njerëz t’cilët kanë qejf me pi. E ma e mira asht që me pak harxh, mund e marifet mundesh me e perfeksionu recetën e koktellit Raspberry Vodka Sprizerit.
9. Barbie-pink limonatë
Jo çdokush pin alkool dhe asht ma se e kuptueshme që duhet me ju ba zgjidhje krejt mysafirëve, veçanarisht nëse ke mbledhë numër ma t’madh njerëzish. Mirëpo, kjo nuk do t’thotë që me hjekë dorë prej elegancës dhe shijeve interesante t’cilat mundesh me i ofru. Kështu, limonata me limon, bostan dhe mente, asht zgjidhja ma praktike, por edhe shumë origjinale me ofru pije interesante n’ahengun tand, pa u mundu shumë. Mjafton me i shtrydhë disa limona e n’blender me e blu do bostan e me i trazu me ujë, sheqer dhe ma ua bashkangjitë pak rriska bostani gotave t’lyme me sheqer sipër, me i servu n’gota interesante e me i servu me copëza akulli.
10. Barbie cupackes
Nëse ke qejf mos me e maltretu as vehtën e as tjerët për pjata e enë, ataherë mënyra ma mirë e ma praktike për servim t’ambëlsinave asht me porositë ose gatu Cupcakes – meqë hahen ma lehtë, por edhe e kompletojnë pamjen e secilës tryezë. Ne t’rekomandojmë me shku me shije klasike vanille dhe dredhëze dhe me i shtu detaje / elemente zbukuruese t’Barbie-t, sikurse janë xixat, lulet, sprinkles, zemrat e pse jo edhe mbishkrimi “Barbie” apo logo e saj; detaje këto që u japin këtyre ambëlsinave nji pamje sa elegante aq edhe t’kojshme.
Pavarësisht se çka vendosë me provu e gatu, ne urojmë që n’fund ti e t’tjerët me u nda t’kënaqun. Kujdes mos përgatit edhe tepër shumë ushqim e me t’shku dam – andaj, mos ha me sy, por mendo mirë për racionet që i servon. Ti njilloj mundesh me kqyrë edhe çka me përgatit’ kur nji “Lemon Bridal Showe” je t’u e gostit’, apo nji “Pink Baby-shower” party e organizon dhe pse jo me u inspiru edhe prej rekomandimeve që i kemi vendosë për këto evente. Gëzuar! Gëzuar! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
