Nëse je fans/e i/e pastave dhe vazhdimisht je n’kërkim t’recetave t’reja, inovative e plot shije, atëherë je me fat që ke kliku n’këtë artikull, meqë kësaj radhe jemi siguru që me t’furnizu me nji recetë jo fort t’rëndomtë, por shumë unike e interesante me u përgatitë e hangër. E n’qoftë se ende ju t’u e mendu emrin e drekës a darkës, leja emrin e recetës t’sotme.
Pastat farfalle me rrepë t’kuqe janë prej atyne recetave që po i provove nuk i ndrron, e që edhe synin dijnë me ta kënaqë me ngjyrën vibrante t’sosit prej rrepe. Ideale për drekë apo darkë, këto pasta po që ta hijeshojnë secilën pjatë me kremozitetin që rikota e parmezani e ofrojnë n’kombinim me rrepën. Mjafton me i përcjellë udhëzimet tona, e me t’dalë ushqimi me plot shije.
PËRBËRËSIT (servimi për 4):
1 paketim pasta farfalle
1 rrepë e kuqe/cvekëll (e zier dhe qërume)
130 gr djathë rikota
50 gr parmezan
3 lugë gjelle vaj ullini
1/2 tufë magdanoz (i grirë)
3 thelpinj hudhre (t’prera n’rriska)
1 lugë e mesme kripë
1 lugë çaji biber i zi
HAPI 1:
Shto pastat me u zi n’ujë t’vlum’ me kripë. Ziji ato për 9 minuta, kulloji dhe ruaje 1 gotë me ujë pastash.
Mundesh me e lexu edhe…
HAPI 2:
N’ndërkohë që pastat i zien, shto n’tigan vajin dhe hudhrat e kavërdisi ato për 3 minuta. Largo tiganin prej nxehtësisë.
HAPI 3:
N’blender shto rrepën e kuqe, rikotën, parmezanin, erëzat dhe hudhrat me vaj. Shto edhe ujin e pastave. Bluji deri sa t’krijohet nji masë e njitrajtshme dhe kremoze.
HAPI 4:
Vendose sosin e krijum sipër pastave dhe përziji pastat mirë. Ziji ato bashk me sos, duke i përzi vazhdimisht me lugë druri për 3 minuta t’tjerë. Largo dhe servo.
REZULTATI:
Servoji pastat me pak gjethe magdanozi sipër dhe ekstra parmezan po deshe. Poashtu, nëse ke qejf me e pasë edhe nji sallatë para vehtes, definitivisht këtë pjatë me shije shoqëroje me sallatën e përzier me super-zarzevate – sallatë kjo që ka me ta ndreçë secilin vakt.
E mbasi veç jemi tek pastat, provo me i gatu pastat primavera dhe pastat me sos limoni dhe bizele. Ne gjithashtu ta rekomandojmë me i përgatitë pastat kremoze me domate dhe spinaq, ose shpagetat vegjetariane. Ndërkaq recetë jo tipike t’pastave dhe definitivisht ma interesante n’shije, patjetër që ja lenë me kërku supën kremoze me tortellini. Shijo! /katror.info
Përgatiti:
