Kushdo që e merr përsipër me përgatitë ushqim qoftë veç për vehte apo edhe t’tjerët, e din sa e vështirë asht ndanjiherë me gjetë receta t’lehta, t’shijshme e t’shpejta për me përgatitë nji shujtë t’mirë. Shpesh edhe gjanat që i përgatisim ma s’miri, dijnë me na u ba bajat e kemi nevojë me ua ndrru shijen. Qata, disa receta e truqe ndihmojnë me e çu shijen e nji ushqimi t’rëndomtë n’tjetrin nivel. Sa ma e thjeshtë receta e nji pjatë, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Nëse je merakli/ke i/e mishit t’pulës, atëherë ke ra n’artikull, meqë sot kemi vendosë me ta dediku ty nji listë t’plotë me 4 super-receta që po i provove jemi t’sigurtë që ke me i lëpi gishtat. Lehtë, thjeshtë, mirë e plot shije, secili rekomandim ja vlenë me u provu – këtë ta garantojmë pa tutë.
1. Pulë me marinadë greke
Pula me marinadë greke asht receta që shkon e kombinohet me çkado; n’daç n’sallatë, n’pjatë me oriz ose patate, sanduiç, tortillë n’petë apo perime t’fërgume. E ajo që e ban unike asht pikërisht marinada e përgatitun e cila pos që i jep shije mishit t’pulës, poashtu nuk e lejon me u shterrë e me i hupë langjet. Plus, nuk asht vështirë me u përgatitë.
Mundesh me e lexu edhe…
2. Pulë me marinadë soje dhe xhenxhefil
Pula me marinadë soje dhe xhenxhefil asht receta aziatike e cila kombinohet ma s’miri me perime t’kavërdisuna, oriz apo noodles, gja që e ban edhe ma t’përshtatshme e praktike këtë recetë për përgatitje. Mjafton me i ndjekë udhëzimet tona t’thjeshta.
3. Pulë me marinadë mjalte dhe mustardë
Pula me marinadë mjalte dhe mustardë (senf) ngjashëm me 2 recetat e lartpërmenduna asht gatesë që kombinohet me çkado; n’daç n’sallatë, n’pjatë me oriz ose patate, sanduiç, tortillë n’petë apo perime t’fërgume, e specifikisht ma s’miri shkon me pire patatesh. E ajo që e ban unike asht pikërisht marinada e përgatitun e cila nuk asht vështirë me u përgatitë.
4. Pulë me marinadë limoni dhe barishte
Pula me marinadë limoni dhe barishte padiskutimisht shkon ma s’miri me patate t’pjekuna n’furrë, por edhe me ndonji sanduiç n’petë. E lehtë, shpejtë dhe me super-shije, pula e marinume me limon dhe barishte nime asht diçka që i shkon ditëve t’nxehta pranverore-verore, sepse nuk ta randon lukthin aspak.
E sado që mundesh me qenë merak n’mish, ne t’rekomandojmë me e konsumu me masë dhe përgjithësisht me ju shmangë – meqë edhe ushqimi ma i shnetshëm nuk asht. Si alternativë ta rekomandojmë përdorimin ma t’madh t’perimeve dhe kërpudhave. Kështu 7 pjatat vegjetariane që edhe meraklitë e mishit i hajnë janë vetëm disa prej rekomandimeve t’tona për ty që s’mundesh me e paramendu shujtën pa mish. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
