Një qen policie që ka shpëtuar 38 jetë gjatë karrierës tetë-vjeçare, është nderuar në galën e çmimeve Thin Blue Paw Awards javën e kaluar.
Qeni gjerman i racës shepherd, me emrin Luna, pasi mbushi 10 vite u pensionua këtë qershor, dhe këtë ditëlindje e festoi me pronaren e saj duke shkuar në pushime në det.
Zyrtarja e policisë skoceze, Linda McBride, Lunën e mori në dhjetor të vitit 2012, kur ishte e vogël vetëm 12 javëshe dhe, që atëherë, dyshja janë kujdesur për njëra-tjetrën, shkruan The Good News Network.
Mundesh me e lexu edhe…
Me qendër në Larbert në Statcionin Qendror të Policisë së Skocisë, zyrtarja 55-vjeçare tha se lidhja mes tyre nuk do të shkëputet kurrë.
- Advertisement -
“Luna ka potencial ende ta vazhdonte punën”, tha PC McBride. “Ishte qen i jashtëzakonshëm policie për të punuar dhe kur mësova se ka fituar çmimin Lifesaver, isha tejet e lumtur; Madje qava”.
“Të them se jam thjesht krenare për Lunën se sa shumë ka arritur është nënvlerësim”.
- Advertisement -
Luna ishte e aftë në kërkimin dhe gjurmimin e personave të zhdukur me rrezik të lartë — me 38 suksese të arritura gjatë karrierës së saj.
Në dhjetor të vitit 2019, Lunës iu caktua detyra për ta kërkuar një burri të pambrojtur që ishte zhdukur. E gjeti të fshehur në disa shkurre, duke vuajtur nga hipotermia dhe që kishte nevojë për kujdes të menjëhershëm spitalor.
Linda beson se është natyra intuitive e Lunës që e bëri atë kaq të suksesshme në kërkimin e njerëzve të zhdukur dhe për këtë pajtohet edhe Thin Blue Paw. “Është mbresëlënëse t’i lexosh të gjitha tregimet në të cilat Luna praktikisht ua ka shpëtuar jetë”, tha kujdestari i Fondacionit, Kieran Stanbridge. “Është vërtet një frymëzim”./Katror.info.
Përgatiti:
