Ai zgjodhi të njëjtin adhurues, të cilin e kishte zgjedhur vite më parë në Budapest. Jeta sjell befasi të pabesueshme që duken të pamundura për t’u shpjeguar thjesht duke iu referuar teorive të probabilitetit. Kështu i ka ndodhur së fundmi edhe këngëtarit Robbie Williams. Artisti u befasua gjatë turneut të tij evropian, kur në një koncert në Budapest zgjodhi një adhurues nga audienca për ta shoqëruar në skenë.
Arsyeja nuk është tjetër veçse fakti se ai kishte zgjedhur rastësisht të njëjtin adhurues, shumë vite më parë. 49-vjeçari e zbuloi rastësinë e këndshme në rrjetet e tij sociale.
“Ja çfarë ndodhi dy netë më parë në Budapest zgjodha dikë nga audienca për të kënduar me mua dhe për habinë time, zgjodha të njëjtin person që zgjodha nga publiku në Budapest 20 vite më parë! Shanset që kjo të ndodhë? 1 në 174,240,000. Më vjen mirë që ju pashë sërish. Me dashuri Rob.”
Artisti ndau dy foto me fansin të bërë së fundmi dhe një tjetër të dyshes në skenë në vitin 2003.
Ndërkohë, mediat e huaja shkruajnë se Wlliams po përgatitet për një projekt të ri muzikor.
Një burim për britaniken The Sun ka bërë me dije se albumi pritet të dalë gjatë vjeshtës dhe kjo është një periudhë mjaft intensive për këngëtarin./Katror.info
Përgatiti:
