Dy mediume ndërkombëtare, “Reuters” dhe “The Independent” kanë shkruar për shtatoren e ish-kryeministrit britanik Tony Blair që do të vendoset në sheshin që mbanë emrin e tij, në Ferizaj më 12 qershor. Kjo shtatore i ndërtohet një lideri që në Kosovë ka emër të veçantë, pas angazhimit të tij para një çerek shekulli për lirinë e Kosovës.
Dy mediumet e nisin shkrimin me skulptorin Agon Qosa, i cili thotë se po i bënë shtatoren e Tony Blair-it të cilën e adhuron që nga fëmijëria.
“Qosa dhe shqiptarët e tjerë etnikë në Kosovë idhullojnë Blair-in për rolin e tij udhëheqës gjatë një fushate bombardimi të NATO-s në vitin 1999 që ndaloi përparimet e forcave serbe dhe në fund e ndihmoi kombin e vogël ballkanik të fitonte pavarësinë. Njëzet e pesë vjet më vonë, Qosa po përfundon një statujë prej balte të përmasave reale të Blerit, e cila do të ngjyroset në bronz dhe do të vendoset në bulevardin Blair, në qytetin lindor të Ferizajt më 12 qershor, që shënon fundin e luftës së Kosovës 1998-99”, shkruhet në reportazhin e Reuters.
Mundesh me e lexu edhe…
“Vendosa ta kem atë në qytetin tonë, në Kosovën tonë, të lumtur dhe të gëzuar,” tha Qosa ndërsa punonte në statujën që përshkruan Blair-in duke buzëqeshur me një kostum, njërin krah të ngritur në valë.
Tony Blair, i cili ishte kryeministër i Britanisë nga viti 1997 deri në vitin 2007, mbështeti bombardimet e NATO-s ndaj Serbisë për ta detyruar atë të tërhiqej nga Kosova, thuhet më tej në përshkrim.
Kujtojmë se një shtatore tjetër në Prishtinë e ka ish-presidenti amerikan Bill Clinton, i cili gjithashtu ishte presidenti në kohën e fushatës së bombardimeve të NATO-s. Shtatorja e tij është në qendër të Prishtinë në sheshin Bill Clinton./Katror.info
Përgatiti:
