Pas më shumë se shtatë vitesh pritje, duket se Rihanna është më në fund gati për të rikthyer muzikën në qendër të karrierës së saj. Burime pranë artistës konfirmojnë se albumi i ri është pothuajse gati dhe do të publikohet brenda vitit 2025. Ky do të jetë projekti i parë muzikor që nga “ANTI” (2016), një album që e konsolidoi si një nga zërat më të rëndësishëm të muzikës moderne.
Por ndërkohë që fansat kanë pritur me durim, Rihanna nuk ka qëndruar pasive. Me Fenty Beauty dhe Savage X Fenty, ajo ka ndërtuar një perandori të fuqishme biznesi që ka transformuar industrinë e bukurisë dhe të modës. Ajo është kthyer në një ikonë të sipërmarrjes femërore dhe të përfaqësimit gjithëpërfshirës, duke i dhënë zë trupave dhe nuancave të ndryshme që shpesh përjashtohen nga tregu tradicional.
Rikthimi i saj në skenën muzikore nuk është thjesht një lajm artistik, është një moment kulturor. Pas performancës në “Super Bowl Halftime Show” në vitin 2023, ku zbuloi se ishte sërish shtatzënë, Rihanna tregoi se mund të sfidojë pritshmëritë dhe të thyejë rregullat edhe në kushte sfiduese.
Mundesh me e lexu edhe…
Burime nga Roc Nation thonë se albumi i ri do të jetë “shumë personal, por edhe eksperimental”, duke përfshirë zhanre nga R&B dhe dancehall, tek pop-i elektronik dhe madje elementë trap. Disa bashkëpunime surprizë janë paralajmëruar, përfshirë një me një artist të njohur shqiptar, emri i të cilit nuk është zbuluar ende, transmeton Top Albania Radio.
Ky projekt pritet të shënojë një rikthim triumfal dhe t’i japë fund “thatësirës muzikore” që fansat kanë ndjerë prej vitesh. Rihanna nuk është më thjesht një këngëtare, ajo është një forcë kulturore që me çdo lëvizje krijon histori. Dhe nëse gjithçka shkon sipas planit, 2025 mund të jetë viti kur muzika e saj përsëri do të jetë në majat e botës. /Katror.info
Përgatiti:
