Robbie Williams ka konfirmuar se do të rikthehet në skenë me një turne të ri muzikor, i cili do të nisë në Glasgow më 4 shkurt 2026, në Barrowlands Ballroom, për të promovuar albumin e tij të ardhshëm “Britpop”.
Ky turne, i quajtur Long 90’s Tour, do të vijojë më pas në Liverpool më 6 shkurt, O2 Academy në Londër më 8 shkurt dhe Wolverhampton më 9 shkurt.
Turneu u bë i ditur mbrëmjen e së enjtes, gjatë performancës së fundit të Williams për vitin 2025 në Camden, pas një serie koncertesh që përfshinte edhe shfaqjen madhështore në Murrayfield Stadium në Edinburg.
Mundesh me e lexu edhe…
Fillimisht, albumi “Britpop” ishte planifikuar të publikohej më 10 tetor 2025, por u shty për në shkurt 2026 për arsye organizative.
Nëse arrin në vendin e parë të toplistave, do të jetë projekti i 16-të i Williams që kryeson klasifikimet, duke e vendosur atë përpara rekordit të The Beatles.
Në album marrin pjesë artistë të njohur si Chris Martin (Coldplay), Gaz Coombes (Supergrass), Tony Iommi (Black Sabbath) dhe Gary Barlow, ish-anëtari i Take That.
Kënga e katërt nga albumi, “Pretty Face”, u publikua të enjten, pas “Rocket”, “Spies” dhe “Human”.
Williams tha se “Britpop” është albumi që gjithmonë ka dashur të shkruajë në kulmin e karrierës së tij gjatë viteve ’90.
“Ishte epoka e artë e muzikës britanike. Ky album është më i papërpunuar, më me energji, me më shumë kitarra – se çdo gjë që kam bërë më parë. Ka shumë ‘Brit’, por edhe shumë ‘Pop’ aty brenda. Jam jashtëzakonisht krenar për këtë punë”.
Karriera e Williams u trajtua së fundmi në filmin “Better Man” (2024), ku ai huazoi zërin për një shimpanzë të animuar që e portretizon atë, si dhe në dokumentarin e Netflix (2023) që pasqyroi betejat e tij me varësinë dhe shëndetin mendor./AP/Katror.info
