Në zemër të Amsterdamit, një luginë e gjelbër e harlisur del nga muret shkëmbore të kanionit të një ndërtese të re.
“Lugina” dramatike, e frymëzuar nga gjeologjia, e mbuluar nga bimët, spikat në lagjen Zuidas të Amsterdamit me tre kullat e saj prej (67, 81 dhe 100 metra) dhe apartamentet e saj spektakolare.
E quajtur rrokaqiell i ri më i mirë në botë në Emporis Skyscraper Awards 2021, ndërtesa dallohet në disa mënyra: së pari, ajo kombinon zyra, dyqane, hoteleri, objekte kulturore dhe apartamente në një ndërtesë; së dyti, ndryshe nga ndërtesat e mbyllura diku tjetër në Zuidas, lugina e gjelbër që gjarpëron midis kullave në katet e katërt dhe të pestë është e arritshme për të gjithë nëpërmjet dy shkallëve të jashtme prej guri.
Mundesh me e lexu edhe…
Firma e arkitekturës MVRDV, e cila është e specializuar në projekte të frymëzuara nga ëndrrat, e përshkruan projektimin dhe ndërtimin e Luginës si “krejtësisht të porositur”, duke kërkuar angazhimin e qëndrueshëm të qindra projektuesve, inxhinierëve, ndërtuesve, konsulentëve dhe klientit.
- Advertisement -
Forma jashtëzakonisht komplekse kërkonte një përkushtim të veçantë ndaj detajeve të imta që rritin më tej konceptin e dizajnit.
Ekspertët e teknologjisë së MVRDV krijuan një seri mjetesh digjitale të personalizuara për të përsosur ndërtesën, nga një mjet që siguronte që çdo apartament të kishte dritë dhe pamje të përshtatshme, te një program që bëri të mundur modelin në dukje të rastësishëm të mbi 40,000 pllakave guri të madhësive të ndryshme që zbukurojnë ndërtesën.
- Advertisement -
Përgatiti:
