Ruajtja e vetëm 0.7% të sipërfaqes së Tokës mund të jetë e mjaftueshme për të shpëtuar një të tretën e specieve më të ralla në botë. Ky është konkluzioni i një studimi të ri, i cili identifikoi këtë javë 25 “pika biodiversiteti” që strehojnë disa nga speciet më të rrezikuara dhe të ralla në planet.
Në mesin e këtyre specieve janë lemuri aye-aye, i cili gjendet vetëm në Madagascar, dhe ghariali – një krokodil kritikisht i rrezikuar që ndodhet në subkontinentin indian.
Këto zona mbulojnë 0.7% të sipërfaqes së Tokës dhe shtrihen në 33 vende dhe pesë kontinente. Megjithatë, edhe pse ato mbështesin disa nga kafshët më të ralla, hulumtuesit zbuluan se vetëm 20% e këtij territori është i mbrojtur.
“Studimi ynë thekson rajonet e botës që janë të rëndësishme për ruajtjen e biodiversitetit,” tha autori kryesor, Sebastian Pipins, një student doktorature në Imperial College London, shkruan PositiveNews, përcjell Katror.
“Gjithashtu, tregon se duke mbrojtur vetëm një pjesë të sipërfaqes së Tokës, mund të arrihen përfitime të mëdha për ruajtjen e natyrës.” Ai shtoi: “Duke marrë parasysh rëndësinë globale të biodiversitetit në këto rajone, vendet me të ardhura të larta duhet të mobilizojnë fonde për të lehtësuar zhvillimin e qëndrueshëm që mund të sjellë përfitime si për njerëzit ashtu edhe për natyrën.“/Katror.info
