Është sezon pushimesh dhe shumë familje po planifikojnë udhëtime, qoftë drejt detit, malit apo për të vizituar të afërmit në ndonjë cep tjetër të vendit.
Por nëse udhëtoni me një foshnjë në makinë, veçanërisht nëse jeni prindër të rinj ka disa gjëra që duhet t’i keni parasysh për sigurinë e të voglit tuaj.
Sa kohë është e sigurt që një foshnjë të qëndrojë në ulësen e makinës?
Sipas rekomandimeve të ekspertëve dhe bazuar në studime të shumta, një foshnjë deri në moshën gjashtë muajshe nuk duhet të qëndrojë në ulësen e makinës më shumë se dy orë në 24 orë.
Mundesh me e lexu edhe…
Kjo për shkak se foshnjat e vogla nuk janë ende në gjendje ta mbajnë trupin në pozicion të drejtë dhe pozicioni gjysmë i ulur në ulëse nuk është natyral për trupin e tyre. Për më tepër, lëvizjet dhe dridhjet e makinës mund të ndikojnë në rrahjet e zemrës dhe ritmin e frymëmarrjes, ndërkohë që saturimi me oksigjen mund të ulet.
Ky kufizim nuk do të thotë që ulësja e makinës nuk është e nevojshme përkundrazi, ajo është e domosdoshme për sigurinë e foshnjës gjatë vozitjes. Por është e rëndësishme të planifikoni udhëtimin me ndërprerje të shpeshta, për të shmangur qëndrimin e gjatë në të njëjtin pozicion.
Rekomandime për sigurinë e foshnjës gjatë udhëtimit:
- Kufizoni kohën në ulësen e makinës në maksimum dy orë pa ndërprerje. Bëni pauza të rregullta gjatë rrugës.
- Mos e përdorni ulësen e makinës si vend për gjumë gjatë gjithë ditës. Nëse foshnja fle gjatë udhëtimit, kjo është në rregull, por nuk duhet ta lini aty për kohë të gjatë pasi makina ndalon.
- Nëse përdorni karrocë, shmangni pozicionin gjysmë të drejtë për një kohë të gjatë. Ulëset ku foshnja mund të shtrihet plotësisht janë më të përshtatshme për gjumë.
- Mbani nën vëzhgim foshnjën gjatë udhëtimit, sidomos në udhëtime të gjata dhe nxehtësi të lartë.
Planifikimi i udhëtimit me një foshnjë kërkon kujdes të shtuar, por me masat e duhura, rruga mund të jetë e sigurt dhe e qetë për të gjithë familjen. /Katror.info
Përgatiti:
