Këngëtarja e njohur Shakira ka fituar miliona nga kënga ‘thumbuese’ për ish-partnerin Gerard Pique dhe të dashurën e tij të re, Clara Chia.
Emisioni i mëngjesit i Telecinco ‘El Programa de Ana Rosa’ analizoi se sa para ka arritur të fitojë Shakira pas publikimit të këngës. Siç kanë raportuar, ajo ka fituar 512,000 dollarë nga YouTube, 500,000 dollarë nga Amazon, 360,000 dollarë nga Spotify dhe 1,200,000 dollarë nga Apple.
Shfaqja televizive spanjolle zbuloi gjithashtu se sa para ka arritur të fitojë Shakira në total nga tre këngët e saj të fundit, të gjitha të publikuara pas ndarjes së saj me Pique.
Mundesh me e lexu edhe…
Në këto katër ditë, Shakira ka bërë më shumë se 2,500,000 dollarë me ‘BZRP Music Sessions #53’”. Sa i përket këngëve të tjera të fundit në të cilat ajo i referohet edhe ish-futbollistit, ‘Te felicito’, e cila u publikua në prill 2022, ka më shumë se 445 milionë klikime, duke gjeneruar rreth 10 milionë dollarë. “Monotonia”, me Ozuna, u publikua dy muaj më parë dhe ka 166 milionë klikime, që do të thotë se ajo bëri 3,554,000 dollarë.
Shakira vlerësohet se ka fituar rreth 15 milionë dollarë duke llogaritur dhe këngët në të cilat i referohej Pique. Sa i përket ish-mbrojtësit të Barcelonës, ai nënshkroi një marrëveshje sponsorizimi me Renault dhe Casio, dy nga markat e përmendura në këngën e fundit të Shakirës. /Katror.info
Përgatiti:
