Shorti për edicionin 2024-2025 të Ligës së Kampionëve do të hidhet sot në orën 18:00, tani që janë përfunduar grupet e skuadrave për fazën e ligës.
Në këtë edicion të ri, 36 skuadra do të konkurrojnë në një fazë të ligës të ndryshme nga format i mëparshëm i grupeve. Ekipet janë ndarë në katër vazo dhe do të përballen me tetë kundërshtarë, duke përfshirë dy skuadra nga secila vazo.
Asnjë ekip nga i njëjti komb nuk mund të përballet me njëra-tjetrën në fazën e ligës, siç ishte me formatin e mëparshëm të fazës së grupeve.
Skuadrat do të grumbullojnë pikë si më parë – tre për fitore, një për barazim dhe asnjë për humbje – por do të krahasohen me të gjitha ekipet, jo vetëm ato në grupin e tyre.
Në fund të fazës së ligës, tetë skuadrat më të mira kalojnë automatikisht në raundin e 16-të.
16 skuadrat e renditura nga e nënta deri në vendin e 24-të do të kalojnë në një eliminim shtesë për të siguruar një vend në raundet e mëtejshme. Raundet e eliminimit do të zhvillohen si zakonisht nga aty./Katror.info
