Shqiptarët e Gjermanisë rrëfejnë jetën nga qyteti antik Heidelberg

Nëse keni menduar se të gjithë ata që largohen nga Shqipëria, braktisin identitetin, Haidelberg na vërteton krejt të kundërtën.

Në këtë qytet të njohur për arkitekturën magjepse, mjekësinë e zhvilluar dhe studentët vizionarë, kanë organizuar jetën e tyre mjaft bashkëatdhetarë të cilët nuk i harrojnë rrënjët e tyre.

Gazetarja Ilnisa Agolli ka vizituar skajet kryesore të qytetit ku na njeh me të shkuarën dhe të tashmen, me ata që kanë çuar aty një copëz Shqipërie.

Agolli javën e kaluar vizitoi Palermon, ku nën optikën e saj pamë një anë tjetër të këtij qyteti që dikur të ngjallte ankth kur e kujtoje për shkak të historisë, ndërsa pas dokumentarit të publikuar në Euronews Albania tundimi për ta vizituar bëhet akoma edhe më i madh.