Simon Cowell vazhdon të marrë vëmendje me ndryshimet në pamje

Ai shqetësoi në masë të madhe fansat së fundmi me paraqitjen e tij në ‘Royal Variety Performance’.

Dhe Simon Cowell edhe një herë dukej ‘i panjohur’ në Instagram teksa mori pjesë në një event për Krishtlindje me familjen e tij të shtunën.

Manjati i muzikës, 63 vjeç, kishte një fytyrë më të lëmuar dhe tipare të përmirësuara që mund të ishin rezultat i punës kozmetike.

Simonit iu bashkua e fejuara e tij, Lauren Silverman, dhe djali i tij, Eric, teksa pozonin për një foto të ëmbël familjare.

“Ne patëm një mbrëmje të mrekullueshme dhe frymëzuese këtë muaj në natën e Krishtlindjeve”, tha ai.

“Unë personalisht do të doja të falënderoja të gjithë ata që kanë mbështetur Katie dhe fondacionin e saj, nëse dëshironi ndonjë informacion të mëtejshëm se si të ndihmoni dhe të përfshiheni, ju lutemi vizitoni katiepiperfoundation.org.uk. Ju uroj të gjithëve një sezon festiv”.

Simon së fundmi zbuloi miqësinë e tij me Katie Piper dhe tha se ajo e refuzoi ofertën e tij për punë kur ai ra në kontakt pas publikimit të dokumentarit të saj.

Paraqitja e tij erdhi menjëherë pasi ngjalli një lloj shqetësimi te fansat me një dukje më ndryshe në ‘Royal Variety Performance’, e cila u realizua më 2 dhjetor dhe u transmetua në ITV të martën.

Ndërsa Simon po prezantonte fituesin e BGT Axel Blake, ai la shikuesit të hutuar nga pamja e tij, që mund të jetë rezultat i një operacioni estetik, me njërin që pyeti: “Çfarë i ka bërë vetes?”.

Producenti diskografik bëri që të ketë reagime edhe më parë me mënyrën se si është shfaqur në publik.