Tina Turner, e cila ka vdekur sot në moshën 83-vjeçare, regjistroi shumë këngë klasike me kombinimin e saj fitues të R&B, funk, rock dhe pop, të gjitha të realizuara me fuqinë e saj të veçantë vokale të papërpunuar.
Ju sjellim sot nji kangë që udhëton nëpër gjitha llojet e Kampionshipeve në tërë botën.
Kanga “Simply The Best”, u shndërru në nji këngë nënshkrimi për Tina Turner.
Mundesh me e lexu edhe…
- Kanga fillimisht u incizua nga Bonnie Tyler në albumin e saj Hide Your Heart të vitit 1988, mirëpo e njëjta nuk u publikua si single në Amerikë.
- Tina Turner e publikoi atë, më 21 gusht 1989, si kanga kryesore e albumit të saj Foreign Affair dhe versioni i saj u bë hit ndërkombëtar.
- Kanga është shkru nga Mike Chapman dhe Holly Knight.
Kur Turner dëgjoi versionin origjinal të Bonnie Tyler, telefonoi Knight dhe i tha se do ta incizonte nëse mund të bënin disa ndryshime, shkruan Song Facts.
- Advertisement -
Edhe pse kur e mendon kangën, të gjithë vëmendjen e merr refreni, i cili shprehimisht thotë: “Thjesht je më i miri”. Megjithatë, edhe pjesa tjetër e kangës është mjaft e mprehtë dhe shumë romantike, ku përmban vargje si: “Ti flet një gjuhë dashurie sikur e di se çka do të thotë”.
Videoklipi u prodhua nga Lol Creme dhe me regji të Lexi Godfrey.
- Advertisement -
Kanga u bë himni i Tina Turner – një titull që ajo fitoi duke u ngritur në famë me Ike & Tina Turner dhe më pas duke u rikthyer në mënyrë spektakolare si artiste solo.
- Në Amerikë, “Simply The Best” arriti kulmin në vendin e 15-të.
Artistët që e bënë cover këtë kangë përfshijnë James Bay dhe Wynonna, të cilët bënë një version country për albumin e saj të vitit 2005 Her Story: Scenes from a Lifetime.
Turner e këndoi kangën në reklamat e Pepsit menjëherë pas publikimit.
- Në vitin 1992 ajo u bashkua me këngëtarin australian Jimmy Barnes për ta incizuar edhe një version të ri të kangës, i cili u publikua si single dhe u përdor për të promovuar sezonin e atij viti. Ky version u rendit në #14 në Australi.
Kanga u përdor gjithashtu në The Simpsons në episodin e vitit 2016 “Much Apu About Nothing”.
Vazhdojmë të mërkurën.. 😊/ Katror.info
- Advertisement -
Përgatiti:
