Sonda Lucy, e zhvilluar nga agjencia amerikane e hapësirës NASA, vizitoi asteroidin e saj të parë. Anija kozmike kaloi pranë asteroidit Dinkinesh në një distancë prej rreth 400 kilometrash dhe i mbijetoi me sukses asaj manovre, njoftoi NASA. Tani do të duhet rreth një javë për të dërguar të gjitha të dhënat e regjistruara në Tokë.
Ekipi mezi po pret të shohë se si anija kozmike performoi gjatë takimit të parë të testimit me një asteroid që lëviz me shpejtësi, tha agjencia amerikane. Dinkinesh, një asteroid me një diametër më të vogël se një kilometër, është i pari nga dhjetë trupat fluturues që sonda do të hetojë. Fluturimi i Lucy pranë tij ishte kryesisht një provë për funksionimit të instrumenteve shkencore.
Objektivi kryesor i sondës së NASA-s janë asteroidet e Jupiterit. Ai u nis në vitin 2021 nga porti hapësinor Cape Canaveral në Florida, SHBA. Është rreth 14 metra i gjatë dhe mundësohet nga karburanti dhe bateritë që ngarkohen nëpërmjet qelizave diellore.
Mundesh me e lexu edhe…
Lucy duhet të fluturojë afër shtatë “Trojanëve” të Jupiterit, të emërtuar sipas protagonistëve të Iliadës epike të Homerit. “Trojanët” janë asteroidë që rrotullohen rreth Tokës në të njëjtën orbitë me planetin më të madh.
Ato konsiderohen si fosile që nga epoka e formimit planetar, prandaj NASA shpreson se misioni do të ofrojë njohuri të reja mbi formimin e sistemit tonë diellor. Misioni duhet të zgjasë dymbëdhjetë vjet, dhe Lucy do të udhëtojë gjithsej 6.5 miliardë kilometra. /Katror.info
Përgatiti:
