Ethnically Plugged sot me 05 dhjetor po mbush 18 vjet dhe këtë datë do ta shënojë me koncert në Muzeun e Qytetit, në Mitrovicë.
Ilir Tolaj e Luan Macula në kitarë, Edon Ramadani në piano dhe Teoman Ukqa në bateri do ta marrin vëmendjen e publikut mitrovicas me datë 05 dhjetor, duke filluar nga ora 20:00 në Muzeun e Qytetit, Mitrovicë.
“Dasma e fshehtë, Po vijnë krushqit, Pse jo shqip, Kur e percolla ylberin, Hapi sytë”, janë disa nga instrumentalet që do të performojë grupi “Ethnically Plugged”
“Ethnically Plugged” filloi si projekt 18 vite më parë në vitin 2004 si dëshirë për t’i ripërtërirë meloditë e bukura tradicionale shqipe me instrumente të ndryshme në anim kah Jazz/Fusion.
Ky koncert organizohet nga 7 Arte, si dhe mbështetet nga DKRS – Mitrovicë./Katror.info
Përgatiti:
