20 marsi këtë vit është edhe dita e ekuinoksit pranveror. Ajo nisi sot, me lindjen e diellit në orën 5:30. Ardhja e stinës së pranverës përcaktohet me ndjekjen e qendrës së diellit sipas ekliptikës.
Pranvera do të zgjasë deri më 21 qershor, kur fillon stina e verës. Sipas fenologjisë pranvera fillon me lulëzimin e disa llojeve të bimëve pranverore, specifike këto për vende të ndryshme.
Me fillimin astronomik të verës më 21 qershor pranvera përfundon gjithnjë në të njëjtën ditë, shkruan Living.al.
Mundesh me e lexu edhe…
Me 20 mars dita zgjat 12 orë e shtatë minuta. Zakonisht, dita e parë e pranverës emërohet si ditë e barabartë, që nënkupton se gjatësia e ditës dhe natës është e njëjtë, pra nga momenti i lindjes deri në momentin e perëndimit të diellit, kanë kaluar 12 orë.
Me ardhjen e pranverës të dielën e fundit të muajit mars ndodh edhe ndërrimi i orës. Kështu, këtë të dielë, më 27 mars, akrepat e orës do të zhvendosen një orë përpara.
Po si festohet?
Ekuinoksi dhe solcisti i pranverës, në vende të ndryshme festohet në mënyra të ndryshme. Shumë kultura gjatë kësaj ditënate (20 – 21 mars) festojnë ardhjen e pranverës me festivale e evente të ndryshme në natyrë.
Gjithashtu, Pashkët, festa e krishterë lidhet me lëvizjet e Diellit, ndaj edhe festohet në data të ndryshme.
Disa teori të vjetra, edhe mijëravjeçare besojnë se dita e parë e pranverës ka një shpjegim biblik. /Katror.info
Përgatiti:
