Më 8 maj të vitit 1948, u festua për herë të parë Dita Ndërkombëtare e Kryqit të Kuq.
Kryqi i Kuq i Kosovës u themelua në vitin 1945 me seli në Prizren, e cila pas dy viteve u bart në Prishtinë, kapacitetet e Kryqit të Kuq në atë kohë ishin mjaft të vogla me gjithsejtë 9 mjek dhe 40 punëtor shëndetësor ndërsa gjendja në teren ishte mjaft dramatike nga të prekurit nga Tifoja dhe Malaria. Nevoja për trajtim të popullatës e shtyu Kryqin e Kuq të hapë shkollën e parë për infermiere në Pejë.
Në vitin 2010 në parlamentin e Republikës së Kosovës aprovohen dy ligje për Kryqin e Kuq të
Kosovës: Ligji për Kryqin e Kuq të Kosovës (Nr. 03/L-179) dhe Ligj për përdorimin dhe mbrojtjen e
emblemës të Kryqit të Kuq, emblemave të tjera dalluese dhe sinjaleve (Nr. 03/l-180)
Mundesh me e lexu edhe…
Sot Kryqi i Kuq i Kosovës, është e vetmja Shoqatë Kombëtare në Republikën e Kosovës e cila zhvillon programe dhe veprimtari brenda kornizave të përcaktuara me ligjin e lartcekur, rregullave dhe rregulloreve të Lëvizjes Ndërkombëtare të Kryqit të Kuq dhe Gjysmëhënës së Kuqe. Republika e Kosovës e njeh Kryqin e Kuq të Kosovës si Shoqatë Kombëtare autonome e cila punon për të
mirën publike, si ndihmëse e autoriteteve të angazhuara në sferën humanitare. Kryqi i Kuq i Kosovës respekton dhe udhëhiqet në veprimtarinë e vet nga Parimet Themelore të Lëvizjes Ndërkombëtare të Kryqit të Kuq/Gjysmëhënës së Kuqe dhe të së Drejtës Ndërkombëtare Humanitare. Veprimtaria kryesore e Shoqatës Kombëtare udhëhiqet nga parimi i ofrimit të ndihmës për popullatën më të cenueshme, pa ndonjë dallim.
Ndërkaq në Shqipëri, Kryqi i Kuq përbën shoqatën më të vjetër humanitare, e themeluar më 4 tetor të vitit 1921.
Kjo shoqatë u njoh zyrtarisht prej Komitetit Ndërkombëtar të Kryqit të Kuq në vitin 1923.
Vetëm pak janë në dijeni të faktit se, kryetari i Kryqit të Kuq ka qenë Ahmet Zogu, i cili pas pak vitesh do të bëhej mbret.
Në dokumentin që sjell sot Drejtoria e Përgjithshme e Arkivave, paraqitet thirrja e Ahmet Zogut si kryetar i shoqatës, drejtuar shqiptarëve, të cilët i fton të japin kontribut në dobi të Kryqit të Kuq. Gjithashtu DPA sjell edhe ballinën e organit “Kryqi i Kuq”, numri 8, botuar nga organizata./Katror.info
Përgatiti:
