Spotify ka njoftuar një bashkëpunim me OpenAI, duke integruar ChatGPT në platformë për të ndihmuar përdoruesit të gjejnë këngët e preferuara, të krijojnë lista të personalizuara dhe të marrin rekomandime për podcaste.
Përdoruesit mund të fillojnë një bisedë me ChatGPT dhe të përfshijnë Spotify në pyetjen e tyre.
Fillimisht, do t’u kërkohet të lidhin llogarinë e Spotify me ChatGPT dhe pastaj AI mund të sugjerojë këngë, albume, artistë, lista këngësh apo podcaste duke hapur automatikisht Spotify dhe përdorur kontekstin e kërkesës.
Mundesh me e lexu edhe…
Spotify rekomandon që përdoruesit të japin sa më shumë detaje në pyetje, si zhanri, artisti ose tema, për të marrë sugjerime sa më të sakta.
Megjithatë, muzika dhe podcastet nuk mund të dëgjohen brenda ChatGPT; përdoruesit mund të klikojnë mbi përmbajtjen e rekomanduar për ta hapur direkt në Spotify.
Ky integrim është i disponueshëm si për përdoruesit falas ashtu edhe për ata Premium, në 145 vende.
Përdoruesit Premium mund të krijojnë pyetje më komplekse dhe të marrin lista këngësh plotësisht të personalizuara, ndërsa përdoruesit falas kanë qasje në katalogun ekzistues si Discover Weekly dhe New Music Friday. /AP/Katror.info
