Kryetari i Komunës së Gjilanit, Alban Hyseni ka njoftuar sot futbolldashësit gjilanas përmes një postimi në Facebook.
Hyseni ka bërë me dije se Organi Shqyrtues i Prokurimit (OSHP) ka hedhur poshtë ankesën rreth procesit të rinovimit të Stadiumit të Qytetit në Gjilan.
“Pas shumë vitesh padrejtësi, sot është marrë vendimi për Stadiumin e Gjilanit që të gjithë po e presim me padurim.
Mundesh me e lexu edhe…
Vendimi i OSHP-së i hap rrugë realizimit të këtij projekti madhor.
Tashmë nuk ka më dilema: procedurat ecin përpara dhe Gjilani do ta ketë stadiumin që i takon, sipas standardeve të UEFA-s, ashtu siç kemi premtuar!
Ne nuk ndalemi. Për krenarinë tonë, për qytetin e sportit e sportistëve, shihemi së shpejti në stadium”, ka thënë Hyseni në Facebook.
Më tutje, ai ka bërë me dije se edhe projekti aktual i stadiumit do të ndryshohet, me projektin e ri që parasheh se stadium të jetë i mbuluar i tëri.
“Edhe një lajm i mirë, projekti i stadiumit do të ndryshohet, do të mbulohet i tëri e do të bëhet më modern, tashmë është krijuar grupi punues”, ka shtuar kryetari Hyseni.
Rinovimi i stadiumit të Gjilanit ka nisur që nga viti 2017, i cili ende është në fazat e para të rinovimit. /Katror.info
Përgatiti:
