Supat e shtëpisë janë ushqim ideal në kohët e vranëta e me shi, sidomos nëse janë të marume me perime t’freskëta. Disa supa madje, pos që t’mbajnë t’nxehtë e t’kënaqin me shijen që kanë, dijnë me përmbajtë edhe vlera ushyese e munden me ju parapri virozave e gripeve t’ndryshme.
E njohun edhe si supa super-kremoze, supa me kërpudha asht pjata ideale për kando që asht vegjetarian/e, sepse nuk përmbanë produkte shtazore dhe i duhen 4 hapa t’thjeshtë për me e realizu. Kjo pjatë mundet me u servu si pjatë n’vehte apo si paragjellë, e 1 gja e dijmë sigurtë – ka me t’shiju tej mase.
PËRBËRËSIT:
300 gr kërpudha (t’prera n’copëza)
1 lugë gjelle vaj ullini
3 thelpinj hudhre (t’grira)
2 lugë gjelle gjalpë
3 lugë gjelle miell
2 gota supë perimesh
2 gota ujë
1/8 lugë trumzë e thatë
1/2 gotë krem-qumësht
1 lugë gjelle salcë soje
Kripë dhe biber i zi (Opsionale)
HAPI 1:
Shto n’tenxhere vajin e ullinit, kërpudhat dhe hudhrën dhe fërgoji ato për 4-5 minuta.
Mundesh me e lexu edhe…
HAPI 2:
Shto miellin dhe gjalpin sipër, përzije masën deri sa mielli e gjalpi t’shkrihen.
HAPI 3:
Shto ujin dhe supën e përgatitun me kubëz vegjetariane bashk me erëzat. Përzije masën dhe ziji kërpudhat për 15 minuta.
HAPI 4:
Shto krem-qumështin dhe zije supën për 15 minuta t’tjerë n’temperaturë mesatare. Vërejë nëse supa asht trashë dhe ka marrë dendësi kremoze.
Nëse supa ka marrë dendësinë e duhun, largoje nga shporeti dhe servo,
REZULTATI:
Servoje supën n’pjata t’thella dhe shoqnoje me krutonë ( copëza buke t’rreshkun), ose me keksa t’njelbët. Pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2-3 ditë dhe mundesh edhe n’punë me marrë me vehte.
E nëse ke interesim me mësu edhe ndonji recetë t’re t’supave me plot shije, ne ta rekomandojmë imuno-supën (supën me karrotë dhe xhenxhefil), supën me domate, supën me speca t’kuq – supë kjo që nuk besojmë ta kesh provu deri më tash. E edhe supa me thjerrëza e limon asht nji “must try”. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
