Projekti i Super League, i cili mori një hov të qartë nga vendimi i Gjykatës së Drejtësisë së Bashkimit Evropian dje, 21 dhjetor, tashmë ka një format të vendosur, ndonëse ndryshimet mund të futen në javët në vijim.
Lajmet ndoshta lidhen me një sërë bisedimesh me UEFA-n dhe klubet për një kompeticion sa më të këndshëm për shumicën e klubeve.
Natyrisht, ideja e Super League ka lindur mbi të gjitha nga dëshira për të rritur të ardhurat e klubeve. Siguria vjen nga fakti se nuk duhet të kaloni më përmes UEFA-s për të marrë burime, me një përqindje që mbetet në dispozicion të organit më të lartë të futbollit evropian.
Mundesh me e lexu edhe…
Të drejtat televizive duhet të hiqen nga lista, duke qenë se Bernd Reichart ka njoftuar tashmë se si do të transmetohen ndeshjet e Super League në një platformë të re transmetimi (Unify) plotësisht falas për të gjithë përdoruesit.
Siç raportohet në edicionin e sotëm të “Il Sole 24 Ore”, “A22 Sports Management”, kompania që kujdeset për interesat e Super League, synon të sjellë në shtëpi burime shumë më të larta se ato që UEFA garanton për klubet me tre kompeticionet evropiane.
Deri më sot, të ardhurat vjetore janë rreth 3.5 miliardë euro dhe vetëm Champions League garanton më shumë se dy prej tyre. Kompeticioni i Europa League (465 milionë) dhe Conference League (235 milionë) është shumë më i ulët.
Champions League e re me 36 ekipe, e cila do të fillojë nga sezoni 2024-25, do të ofrojë 2.5 miliardë dollarë në sezon për klubet. Parashikimet e Super League nisin nga të ardhura rreth 5-6 miliardë në afat të shkurtër dhe deri në 10 miliardë në periudhën pasuese.
Shifra që i referohen projektit origjinal të Super League, me “JP Morgan” gati për të financuar start-upin me 3.5 miliardë euro për t’u shpërndarë menjëherë te 12 anëtarët themelues dhe me 3 miliardë të tjera në formën e një paradhënie për të ardhurat e ardhshme.
Krahasuar me këtë, kontributet e solidaritetit për klubet e papranuara në event do të ishin të barabarta me 434 milionë në vit, dhe më pas do të rriteshin për një periudhë 23 vjeçare.
Krahasuar me projektin fillestar të Super League të propozuar në prill 2021, ai i paraqitur dje parashikon pagesa solidariteti të barabarta me 8% të të ardhurave të Ligës, me një shumë minimale prej 400 milionë eurosh, më shumë se dyfishi i shumës së shpërndarë nga sistemi aktual i UEFA-s.
Thënë kjo, në planin e Super League televizionet nuk përjashtohen plotësisht. Në fakt, ekziston mundësia e shitjes së disa ndeshjeve në televizionet ndërkombëtare. Padyshim që këta do të ishin ata me ndikimin më të madh që do të shihnin përplasjen mes dy gjigantëve të futbollit europian, e cila do të garantonte një ndjekje në mbarë botën.
Por kënaqësia e një eventi sportiv live, në këtë rast me fokus futbollin, është në qendër të Super League. Vetëm mendoni për kënaqësinë “interaktive” që sjell brezi i ri, i ashtuquajturi Gen Z. Dhe kështu organizatorët e projektit të ri tërheqin shumë nga ligat amerikane, por edhe nga sportet e tjera, si NBA, NFL dhe eSports, gjithmonë më të njohurit tek të rinjtë, padyshim pa harruar botën e videolojërave, me fenomenin Fortnite dhe rrjetet sociale të pashmangshme.
A22 sqaroi se për të “siguruar stabilitet në fazën fillestare të garave, të ardhurat gjatë tre viteve të para të kompeticionit të ri do të garantohen për një shumë më të lartë se ajo e parashikuar aktualisht në ciklin e ardhshëm nga UEFA”.
Të ardhurat e vlerësuara për tre vitet e para të një Super League të re të mundshme janë 5 miliardë në vit. Pa shitur të gjitha ndeshjet në rrjete të ndryshme televizive, pas planit të madh të Super League mund të ketë një fond investimi apo bankë investimi shumë të rëndësishme. Dhe vështrimi padyshim kthehet nga Shtetet e Bashkuara dhe Arabia Saudite./Katror.info
Përgatiti:
