Edhe pse jemi mësuar që rrjetet sociale të kopjojnë TikTokun, tashmë kjo platformë ka kopjuar Instagramin, shkruan TechnoNews.
Është një modalitet i ri i quajtur “Photo Mode”, i cili u mundëson përdoruesve të TikTokut të ndajnë fotografi të shumta në një postim dhe gjithashtu numri i karaktereve për përshkrimin është rritur në 2200.
Postimet e reja fotografike, të cilat mund të përmbajnë edhe muzikë, do të shfaqen në faqen “For You” së bashku me videot. TikToku ka thënë se ata shpresojnë se “Photo Mode”, i kombinuar me numrin e shtuar të personazheve, do t’i lejojë krijuesit të “shprehen dhe të lidhen më thellë me të tjerët”.
Mundesh me e lexu edhe…
Por “Photo Mode” gjithashtu e bën faqen “For You” më shumë si Instagrami. Krijuesit tashmë po e përdorin këtë veçori për të ndarë “meme” dhe përmbajtje të tjera që shpesh janë të njohura në vetë Instagramin.
- Advertisement -
Fakti që TikToku tani po kopjon funksionalitetin origjinal të Instagramit është veçanërisht interesant sepse është Instagrami ai që po lufton me angazhimin kundër TikTokut, siç është veçoria e “Reels”. Wall Street Journal raportoi së fundmi se TikTok është shumë më përpara se Instagram Reels në shikueshmërinë gjatë ditës.
Përgatiti:
